Kosova
Delegacioni arsimor nga Kosova merr mësime nga sistemi arsimor i Zvicrës
Delegacioni, duke vizituar nga afër shkollat, duke takuar mësimdhënës të profileve të ndryshme, nxënës, rektorë, u njoftua për së afërmi me organizimin e arsimit në Zvicër, me metodat dhe format arsimore
Nga 16 deri më 20 Prill, në disa qendra shkollore të Zvicrës, në kantonin Thurgau, duke filluar nga niveli parashkollor e deri tek ai më i lartë universitar, hospitoi një delegacion ekspertësh nga Ministria e Arsimit, Shkencës dhe Teknologjisë e Republikës së Kosovës.
Delegacioni, duke vizituar nga afër shkollat, duke takuar mësimdhënës të profileve të ndryshme, nxënës, rektorë, u njoftua për së afërmi me organizimin e arsimit në Zvicër, me metodat dhe format arsimore.
Për pesë ditë rresht ata u takuan me autoritete të të gjitha instancave (strategjike operative) të arsimit parauniversitar dhe arsimit të mesëm profesional, si dhe patën mundësi të shkëmbenin njohuritë e tyre, të pyesin për segmentë të shumtë organizativë si dhe të prekin gjërat më për së afërmi.
Kudo ku hospitoi delegacioni u prit mjaft mirë, si dhe u njoftua dhe këshilluannë mënyrë tejet profesionale nga personeli arsimor dhe udhëheqësit e këtyre qendrave shkollore. Pala mikpritëse, kudo në takime informative dhe pune, shfaqi gatishmërinë që edhe në të ardhmen të bashkëpunojnë. Ata u ndanë të kënaqur nga interesimi i delegacionit nga Kosova dhe u ndanë me shpresë, që edhe në të ardhmen të mund të ndihmojnë, nëse këtë e kërkon pala kosovare.
Këtë javë pune me përkushtim të madh dhe profesional e ka organizuar z. Fatmir Gashi, mësues i Matematikës, i cili në qarqet e kantonit Shafhausen por edhe Thurgau, është emër i njohur, ngase të tillë e ka bërë puna dhe angazhimi shumëvjeçar në arsim.
Anëtarët e delegacionit, në përbërje nga Sekretari i Përgjithshëm i MASHT-it, z. Ekrem Kastrati, nga z. Fatmir Bytyqi, këshilltar i lartë për arsim, znj. Shyhrete Reçica nga Inspektorati i Arsimit, znj. Albulena Balaj në cilësinë e Kryetares së Komisionit për Arsimim të Parlamentit të Kosovës dhe z. Heset Sahiti zëvendësministër, u ndanë tejet të kënaqur nga kjo javë pune. Ata të gjithë pa përjashtim falënderuan organizatorin z. Fatmir Gashi dhe të gjitha institucionet mikpritëse.
Kjo javë pune, le të shpresojmë të jetë bazë e mirë fillestare për bashkëpunimet e mëtejme të isntitucioneve arsimore dhe shkencore nga Kosova dhe Zvicra.
E-Diaspora
-
Shqipja flitet më shumë në Cyrih, Winterthur, Bazel dhe St. Gallen Gjuha shqipe është njëra ndër gjuhët më të popullatizuara në Zvicër. Shqipja flitet veçanërisht gjerësisht në...
-
Nagavci: Mësimi i gjuhës shqipe në diasporë ka vlerë jashtëzakonisht të madhe
-
Gërvalla takon mërgatën në Stuttgart, i fton të marrin pjesë në regjistrimin e popullsisë
-
Gjuha shqipe, gjuha e huaj më e folur në Zvicër – pas anglishtes
-
Bashkimi i shkollës shqipe në Zvicër, një lajm i mirë për të gjithë
Jeta në Zvicër
-
Studimi më i madh rreth kanabisit në Zvicër fillon në Cyrih Në kantonin e Cyrihut, 7500 njerëz do të marrin pjesë në një studim mbi përdorimin e...
-
A mund t’ia dilni pa pasur veturë në Zvicër?
-
Gjuha shqipe, gjuha e huaj më e folur në Zvicër – pas anglishtes
-
Vdes në moshën 81-vjeçare Roger Pfund, ilustruesi i pasaportës zvicerane
-
Bashkimi i shkollës shqipe në Zvicër, një lajm i mirë për të gjithë