E-Diaspora

Dënim dhe dëbim për shqiptarin

Ai është dënuar me 16 muaj për shkak të furnizimit me drogën A në rrugët e Britanisë së Madhe

Një shqiptar, i cili shpërndante drogë në rrugët e Brighton dhe Hove të Britanisë së Madhe është arrestuar më parë, derisa tashmë atë e pret burgu prej 16 muajsh dhe më pas dëbimi për në Shqipëri, shkruan “theargus.co.uk”.

28-vjeçari Fatjon Gjini, kishte hyrë ilegalisht në Mbretërinë e Bashkuar, duke përdorur ID të rremë, para se të joshej nga shumë të mëdha parash për të ndihmuar në furnizimin me drogë në rrugët e Brightonit, përcjell albinfo.ch.

Atij i ishin gjetur drogë në makinë gjatë një kontrollimi, dhe më pas shqiptari e kishte pranuar. Ai kishte thënë se ka punuar, sepse një burrë i kishte premtuar 3 mijë funte në javë për të shpërndarë drogë. Gjini kishte thënë se më parë kishte punuar në një autolarje, duke fituar nga 40 funte në javë. Por, burri që i premtoi 3 mijë funte në javë e kishte gënjyer.

Avokatët mbrojtës janë munduar të arsyetohen se ai ishte gjendur në pozitë të palakueshme dhe tani atij i ishin thënë se i ka 3 mijë funte borxh, për që ka shfrytëzuar hotelin dhe veturat. Për këtë arsye ka punuar në shpërndarjen e drogës.

Gjithashtu shqiptari kishte licencën e vozitjes në emër të Giorgio Liverakos, që gjithashtu ishte false. Shqiptari u shpall fajtor për furnizimin me drogën e klasës A. 28-vjeçari gjithashtu u shpall fajtor për posedim të dokumentit të identitetit fals, duke vozitur pa leje dhe duke vozitur një automjet pa sigurimin e palës së tretë, transmeton albinfo.ch.

Gjykatësi Paul Tain ka dënuar Gjinin me 16 muaj burg, si dhe për 22 muaj nuk ka drejtë të vozitë. “Realiteti është që ju të përballeni me dëbim të menjëhershëm kur të arrini gjysmën e kohës së dënimit”.