Shkurt.ch

Deri në fund të vitit euro barazohet me dollarin

Euro ra në nivelin më të ulët kundrejt dollarit në 12 vjetët e fundit dhe së shpejti mund të barazohet me monedhën amerikane, vlerësojnë ekspertët.

Për këtë ka kontribuar edhe Banka Qendrore Evropiane, e cila ka blerë bonot duke stimuluar rritjen ekonomike në eurozonë.

Papunësia në Bashkimin Monetar Evropian është më e lartë se 11 për qind dhe ekonomistët janë duke shpresuar se një euro e dobët do të ndihmojë financimin e eksportuesve evropianë.

Ndërsa dollari amerikan vazhdon të forcohet me rënien e euros nga maji, kështu që euro ka humbur një të tretën e vlerës së saj.

Euro ka shënuar rënie nën 1,06 dollarë, nivelin më të ulët që nga viti 2003. Evropa gjithashtu po bëhet më e lirë për turistët amerikanë, ndërsa tregtarët po i fërkojnë duart. Në Greqi, pothuajse një e pesta e të ardhurave vjen nga ky sektor.

Ndryshe nga eurozona, ekonomia e dobët në SHBA ka shënuar rritje të fortë. Papunësia është ulur në 5,5 për qind. Por, në afat të gjatë, dollari i fortë mund të ketë pasoja negative për ekonominë amerikane.

Rënia e vlerës e euros do të vazhdojë edhe këtë javë me blerjen e bonove të anëtarëve të eurozonës në një sasi mujore prej 60 miliardë eurosh. Ekspertët e “Deutsche Bank” vlerësojnë se euro deri në fund të vitit ka mundësi të barazohet me dollarin.