AUTOTECH

Destabiliteti SHBA-Kinë, po rrezikon 4 mijë vende pune në Volvo

Mosmarrëveshja tregtare SHBA-Kinë po sjell pasoja edhe në industrinë e automobilave

Drejtori i kompanisë Volvo, Hakan Samuelsson, paralajmëroi se mosmarrëveshja tregtare SHBA-Kinë po krijon destabilitet duke rrezikuar afro 4000 mijë vende pune që ata planifikonin të shtonin.

“Nëse kemi pengesa tregtare dhe kufizime, ne nuk mund të krijojmë aq vende pune sa planifikojmë”, tha Samuelsson gjatë një ceremonie për inaugurimin e një ndërtese të re të Volvos, raporton “TCH”.

Fabrika është shtesa e fundit në disa operacione prodhimi në shkallë të gjerë në Karolinën e Jugut, duke përfshirë edhe një plan të BMW që të mbështetet shumë në shitjet e eksportit për të mbështetur vendet e punës, përcjell albinfo.ch.

“Ne duam të eksportojmë e nëse BE-ja dhe Kina vendosin barriera të larta, kjo do të ishte e pamundur”, theksoi Samuelsson, duke shtuar se të gjitha makinat do kushtojnë më shtrenjtë dhe kjo është kundër çdo logjike të ekonomisë moderne.