Integrimi

Dialogu i diasporës në “Nëntorin shqiptar” në NRW

Në këtë aktivitet keni rastin të festoni në një pritje simbolike 105 vjetorin e pavarësisë së Shqipërisë dhe 30 vjetorin e rivendosjes së marëdhënieve diplomatike mes Shqipërisë dhe Republikës Federale Gjermane

Më 25 Nëntor 2017, në një nga ambientet më të bukura kulturore në zemër të qytetit të Köln-it, Muzeun e Artit Richartz Wallraf, ju do të keni rastin

· të njiheni, të takoni e të dialogoni me më shumë se 200 të ftuar nga shoqata te ndryshme ne Gjermani e ne EU dhe personalitete nga jeta sociale, politike dhe artistike e Gjermanisë, Shqipërisë dhe Kosovës mbi diasporën dhe rolin e saj sot e në të ardhmen;

· të dialogoni direkt me Presidentin e Shqipërisë, Sh. T. Z. Ilir Meta, me Ministrin për Shqiptarët jashtë Kufijve të Republikës së Shqipërisë Z. Pandeli Majko, me Ministrin e Diasporës dhe Investimeve Strategjike të Kosovës dhe Zv. Kryeministër i Republikës së Kosovës, Z. Dardan Gashi (tbc), me Sekretaren e Shtetit për Integrimin, Familjen, Refugjatët dhe Fëmijët të Landit më të madh të Gjermanisë Rinit të Veriut dhe Westfalisë, Znj. Serap Güler, Kryetarët e Bashkive: Z. Erion Veliaj (KB Tirane dhe Kryetar i Shoqatës për Autonomi Vendore), Z. Armando Subashi (KB – Fier), Z. Sotiraq Filo ( KB – Korca), Z. Qazim Sejdiu ( KB – Lushnja), Z. Kastriot Gurra ( KB – Librazhd), Znj. Rajmonda Balili ( KB – Patos), Znj. Majlinda Bufi ( KB – Roskovec), Z. Melaim Damzi ( KB – Stadt Bulqiza), Z. Ndrec Dedaj ( KB – Stadt Mirdita), Znj. Luljeta Dollani (KB – Gramsh), Z. Zhulien Varfaj ( Zv. KB – Durrës), Kandidatin për Kryetar Bashkie të Prizrenit Z. Shaqir Totaj si dhe Znj. Adelina Farrici – Drejtore Ekzekutive e Shoqatës për Autonomi Vendore të Shqipërisë,
· të keni rastin te dialogoni mbi opinionet e kolosit të letrave shqiptare mbi diasporën e më gjërë, të ftuarin e nderit, shkrimtarin e madh Ismail Kadare, të shprehura në intervistat e tij të përmbledhura në “Kadare Ndryshe” të publicistes së njohur Mimoza Kelmendi dhe te prezantuar me këtë rast .


· të festoni në një pritje simbolike 105 vjetorin e pavarësisë së Shqipërisë dhe 30 vjetorin e rivendosjes së marëdhënieve diplomatike mes Shqipërisë dhe Republikës Federale Gjermane së bashku me diplomatë, miq e dashamirës të shqiptarëve nga shumë shtete të tjera të përfaqësuara në Landin e Rinit të Veriut dhe Vestfalisë.


· të shijoni tingujt romantik të këngëve të frymëzuara nga kënga qytetare shkodrane dhe të inskenuara nën “Dritëhijet e HANËS“ së birit të këtij qyteti, artistit të diasporës nga Franca, Vlashent Sata dhe grupit të tij!
Mirësevini!
Anduena Stephan

Aktiviteti mbahet në: Wallraf-Richartz Museum, Obenmarspforten 40, 50667 Köln
Duke filluar ora 11:00

 Info rreth ngjarjes

  • Data e fillimit25 Nëntor 2017
  • Ora11:00
  • LokacioniKöln, Gjermani
  • Data e përfundimit25 Nëntor 2017 - 20:00