Kalendari

Diaspora shqiptare në Bernë feston 9 vjetorin e pavarësisë

Si çdo vit edhe këtë vit diaspora shqiptare e Bernës i prinë festave kulturore e kombëtare. Të shtunën, në ora 18, fillon manifestimi i pavarësisë së shtetit të Kosovës. Në këtë takim marrin pjesë nxënësit e shkollës shqipe “Naim Frashëri” të Ostermundingenit të Bernës. Mësuesja Ida Jashari për albinfo u shpreh shumë krenare me nxënësit e saj të zellshëm dhe me familjet shqiptare ” Idea ishte e imja por nxënësit dhe prindërit e kanë pritur me shumë entuziazëm këtë ide, ata i kanë mësuar rolet gjatë kohës së tyre të pushimit shkollor, patjetër të krenohesh me edukatën e me zellin e tyre të madh e atdhetarë”. Në festë do të ketë aktivitete të ndryshme, nga projekte të ndryshme, e ne shpresojmë se do të kalojmë mirë duke i ofruar publikut një program me zemrën plot e me fjalën e bukur shqipe”.

“Nxënësit shqiptare janë takuar disa herë në provat e tyre. Të përgatisësh me fëmijët shqiptarë në diasporë një dramë shqiptare kësaj i thonë vërtet mrekulli e madhe. ” Por, janë nxënës të rregullt të shkollës shqipe.”- shprehet Mësuesja Ida Jashari ” “Janë ata që e duan vendin e të parëve, dhe me shumë dashuri flasin në gjuhën shqipe. Mendoj se motivin e kanë nga familjet e tyre. Prindërit janë ata që i drejtojnë drejt shkollës shqipe. Mbështetja e prindit i sjellë suksesin më të madh gjatë shkollimit.”, tregon Mësuesja Ida Jashari duke shtuar se fëmijët në shkollën shqipe përveç që mësojnë shqip, ata edhe mësojnë kulturën shqiptare , dhe njihen me njëri- tjetrin. Fëmijët që njohin gjuhën shqipe ata janë më të mirë edhe në lëndët e tjera mësimore.”

“Nëse fëmijët tanë duhet të mësojnë gjermanishten, anglishten, e frëngjishten, ne u urojmë suksese duke u apeluar që ta mësojnë edhe gjuhën e bukur shqipe sepse kështu nderojnë rrënjët dhe paraardhsit e tyre, sepse duke e njohur gjuhën shqipe ata ndihen më krenarë se janë shqiptarë”.

Mësuesja Ida Jashari një pedagoge e njohur përmes albinfo.ch u uron të gjithë shqiptarëve festën e pavarësisë duke ftuar të interesuarit në programin e begatshëm kulturor e artistik.

16710478_383418702021103_832355597_o

KUJDES ! TEKSTI YNË I KOPJUAR DO TË DENONCOHET DHE RAPORTOHET. PËRPOS NËSE...

Ju keni të drejtë ta riprodhoni tekstin tonë, por me kusht që ta citoni burimin e albinfo.ch dhe kur ta publikoni shkrimin, ta integroni linkun e artikullit siç vijon: http://www.albinfo.ch/diaspora-shqiptare-ne-berne-feston-9-vjetorin-e-pavaresise/

Në të kundërtën, ne do të raportojmë pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin. Redaksia e albinfo.ch.

 Info rreth ngjarjes

  • Data e fillimit18 Shkurt 2017
  • Ora18:00
  • Data e përfundimit18 Shkurt 2017 - 20:00