Feja
Kurthi i xhihadit
Muajve të fundit, në opinionin zviceran dhe shqiptar kanë qarkulluar vazhdimisht informata rreth pjesëmarrjes së individëve shqiptarë nga Kosova, Maqedonia, por edhe nga diaspora për në Siri, Irak, apo gjetiu, duke iu bashkuar kështu kolonave të xhihadistëve që luftojnë, shpeshherë me metoda dhune ekstreme, me synim të etablimit të një legjitimiteti politiko-fetar mysliman, që ka si bazament sherjatin. Numri i kandidatëve, por edhe i viktimave nuk është i neglizhueshëm, në raport me proporcionin demografik të shqiptarëve apo popujve të tjerë me përkatësi myslimane në Ballkan.
Kandidatët e rekrutuar nga Ballkani janë pre e një joshjeje që ka sigurisht motive ideologjike poltike-fetare, por që ka po ashtu edhe motive materiale apo ekzistenciale. Në fakt, vendet e Ballkanit udhëheqen nga një klasë politike thellësisht e korruptuar që nuk gëzon më asnjë legjitimitet politik karshi popullit, ku një shtresë e rëndësishme e tij jeton nën kufirin e varfërisë ekstreme. Kjo gjendje i bën të rinjtë të dyshojnë në ardhmërinë e tyre, gjë që edhe lehtëson rekrutimin e tyre nga qeliza xhihadiste që janë implantuar me një lehtësi marramendëse në kontekstin e pasluftërave si dhe ndihmave të rindërtimit në Kosovë, Maqedoni, Bosnjë e Hercegovinë apo gjetiu.
Pyetja shtrohet pse të rinj apo të reja në moshë dhe të re, në Ballkan apo nga diaspora, bien në kurthin e rekrutuesve xhihadistë? Si të kuptohet kjo situatë? Ç’ndodh në kokën e një të riu kur sheh apo dëgjon një retorikë neosalafiste? Si rekrutohen këta të rinj? Përse e marrin rrugën e xhihadit, veçanërisht të rinjtë e diasporës, sikurse ishte rasti i fundit me Valdet Gashin? Dosja jonë do të mundohet po ashtu të sjellë edhe këshilla për prindërit se si të veprojnë nëse janë të ballafaquar me këso lloj situatash me fëmijët e tyre.
Të ngjashme
Të tjera nga Feja
E-Diaspora
-
Mërgimtari nga Suhareka vdes në një aksident tragjik në Itali Raportohet se Haris Shala është 25-vjeçari shqiptar që humbi jetën një ditë më parë në një...
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe
-
8 filma nga Kosova dhe Shqipëria do të prezantohen në Festivalin e Filmit “goEast” 2024
Jeta në Zvicër
-
Studim: Mirëqenia në Zvicër është rritur ndjeshëm në 30 vjetët e fundit “Rritja e prosperitetit dhe mirëqenies gjatë 30 vjetëve të fundit është dukshëm e nënvlerësuar”, thotë Luc...
-
Lojë shpërblyese: Fitoni bileta për të shikuar njërin nga 27 filmat në Kino Kosova
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër
-
I dënuari për vrasjen e dyfishtë në Bazel: Nuk e dija se armët ishin të vërteta!