CH-Ballkani
Drashkoviq: Ivanoviq u vra sipas modelit të shërbimeve të Millosheviqit
Të shtënat në Ivanoviqin janë të shtëna në Marrëveshjen e Brukselit, dialogun e brendshëm të Serbisë për Kosovën, stabilitetin e rajonit dhe rrugën evropiane të Serbisë, konsideron Drashkoviq
Vrasja e Oliver Ivanoviqit në Mitrovicë, sot në mëngjes, është “terrorizëm politik, i kryer sipas modelit të shërbimeve të sigurisë së Millosheviqit nga vitet e 90-ta”. Kështu e ka vlerësuar kryetari i Lëvizjes së Ripërtëritjes Serbe (SPO), Vuk Drashkoviq, sipas të cilit, të shtënat në Ivanoviqin janë të shtëna në Marrëveshjen e Brukselit, dialogun e brendshëm të Serbisë për Kosovën, stabilitetin e rajonit dhe rrugën evropiane të Serbisë.
“Oliver Ivanoviq ka qenë zëri i arsyes, politikan i arsimuar dhe lider i serbëve të Kosovës, i përkushtuar për dialog me shqiptarët dhe promovues i respektimit të ligjit në hapësirën ku shumëkujt i ka penguar pikërisht për këtë”, ka theksuar lideri i SPO-së.
Drashkoviq ka shtuar se organet hetimore të Kosovës, EULEX-it dhe UNMIK-u, në bashkëpunim të ngushtë me shërbimet përgjegjëse të Serbisë, janë të detyruara që t’i zbulojnë kriminelët e këtij rasti.
Ndryshe, ish-lideri serbëve të veriut i vrarë sot në Mitrovicë ishte deklaruar kundër ndarjes së Kosovës, të cilën e konsideronte si ide të gabueshme të Serbisë. Në një intervistë dhënë në vitin 2008 për mediet serbe, ish-deputeti i Kuvendit të Kosovës në nomenklaturën e parë, thotë se ndarja e Kosovës në veri ishte gabim, sepse shumica e serbëve, siç thoshte ai, jetonin në jugun e vendit.
“Edhe më tej e kundërshtoj ndarjen e Kosovës si zgjidhje sepse shumica e serbeve jetojnë në jug të Ibrit dhe në rast të ndarjes pozita e tyre do të ishte e papërballueshme”, ka thënë Ivanoviq për “Gradjanski list”.
Ivanoviq atëbotë tha se heqja dore e Serbisë nga rruga evropiane do të ishte “gabim fatal”. Ai ka vlerësuar se Serbia do të jetë në gjendje ta fillojë “betejën vendimtare politike për Kosovën”, vetëm nëse e merr statusin e kandidatit për anëtarësim në BE. “Në të kundërtën, nëse zgjidhet rruga e konfrontimit, të cilën e promovojnë radikalët, socialistët dhe një pjesë e Qeverisë në krye me DSS-në, Kosova do të jetë e humbur përgjithmonë”, ka thënë ai.
E-Diaspora
-
Mërgimtari nga Suhareka vdes në një aksident tragjik në Itali Raportohet se Haris Shala është 25-vjeçari shqiptar që humbi jetën një ditë më parë në një...
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe
-
8 filma nga Kosova dhe Shqipëria do të prezantohen në Festivalin e Filmit “goEast” 2024
Jeta në Zvicër
-
Zvicër: Thirrje për kujdes për personat që kanë vendosur tashmë goma verore Moti aktual kërkon goma dimërore. Prandaj, drejtuesit e mjeteve që kanë vendosur tashmë goma verore duhet...
-
Studim: Mirëqenia në Zvicër është rritur ndjeshëm në 30 vjetët e fundit
-
Lojë shpërblyese: Fitoni bileta për të shikuar njërin nga 27 filmat në Kino Kosova
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër