Made in Kosova

“Dum Dum”, uji nga Kosova prezantohet në panarin Züspa në Cyrih

Uji «Dum Dum» është prezantuar në panairin e vjeshtës “Züspa», që mbahet në Cyrih nga 29 shtator deri më 8 tetor 2017

Një produkt shumë i kërkuar në Zvicër është edhe uji “Dum Dum” nga kompania “Bibita” nga Peja. Uji “Dum Dum” që po e importon nga Kosova firma e Rexhep Berishës nga Bazeli është bërë atraktiv për qendrat e fitnesit nëpër Zvicër.

Tashmë distribuimin nëpër fitnese në Zvicër e ka marrë përsipër një firmë zvicerane, ka thënë Rexhep Berisha, pronar i firmës R.B. Import& Export në Bazel.

albinfo.ch

Samuel Lisi nga firma PSN EUROPE GmbH  është hera e parë që po prezanton ujin kosovar në një panair të këtillë.

Ata janë të specializuar për prodhimin e produkteve me përbërje natyrale dhe të shëndetshme, pa sheqet dhe laktoz dhe me pak proteina, ndërsa produktet e tyre pos në Zvicër, tashmë kanë depërtuar edhe në tregun gjerman dhe austriak.

Në asortimentin e tyre tashmë nga muaji shkurt i këtij viti kanë shtuar edhe ujin «Dum dum» që vjen nga Peja.
«Uji me të vërtetë është shumë i mirë, ka një dizajn shumë të bukur dhe është pritur shumë mirë. Konsumatorët e provojnë dhe iu pëlqen», thotë Lisi dhe tregon se është befasuar kur ka marrë vesh se një uji i tillë prodhohet në Kosovë.

Uji kosovar «Dum dum» tashmë ka zënë vend në raftet e shumë fitneseve nëpër Zvicër.
Përveç ujit «Dum dum», është importuar në Zvicër nga R.B. Import&Export nga Bazeli edhe produkti tjetër «Detox water», po ashtu nga nga kompania “Bibita” nga Peja.

“Züspa” është panairi i vjeshtës në Cyrih, i cili është mbajtur çdo vit që nga viti 1949.
Rreth 500 ekspozues paraqiten çdo vit në “Züspa”. Është panairi më i madh publik në kantonin e Cyrihut.

Rexhep Berisha R.B. Import& Export në Bazel