Integrimi
Dy muaj pas transplantimit të mushkërisë, Arta vrapon si të gjithë moshatarët e saj
Për vitin e ri që është në prag, ajo dëshiron të mbarojë shkollën dhe që pastaj të fillojë shkollimin për arkitekturë
Rreth dy muaj më parë, Arta Shabani, shqiptarja 16 vjeçe nga Bazeli. me prejardhje nga Kosova ka bërë hapin më të madh në jetën e saj: transplantimin e mushkërisë. Ajo vuante nga një sëmundje e rrallë, fibroza cistike e shkaktuar nga një defekt gjenetik, siç ka shkruar edhe albinfo.ch. Operimi i saj ka bërë jehonë të madhe në shtypin zviceran, edhe për faktin se Arta kishte qenë shumë aktive në rrjetet sociale sidomos në instagram.
Me mushkëritë e saj të reja, Arta thotë se më në fund është në gjendje t`i bëjë të gjitha ato veprime që janë kaq të nënkuptueshme për moshatarët e saj. Për shembull, ajo mund të vrapojë për të zënë trenin, është shprehur në një bisedë që ka pasur me emisionin e “Tele Züri “, “Talk Täglich”.
“Po të mos e gjeja mushkërinë e re ato ditë, unë mbase nuk do të isha këtu”, ka thënë ajo duke menduar se mund të mos jetonte më, pasi që gjendja e saj shëndetësore ka qenë kaq kritike.
Sidoqoftë, ajo e ka hedhur prapa këtë histori të saj të dhembshme dhe sot ndihet më mirë se kurrë, tramsmeton albinfo.ch. “Unë dëshiroja vetëm një mushkëri të re dhe të lirohesha më në fund nga kollitjet. Kur shoh se vlerat më rezultojnë mirë, atëherë besoj se kështu dhe do të mbetet”, thotë Arta.
Për vitin e ri që është në prag, ajo dëshiron të mbarojë shkollën dhe që pastaj të fillojë shkollimin për arkitekturë.
Ajo e dokumenton historinë e saj në konton e instagramit “Artiproblems”, ku ka tashmë 36000 ndjekës.
E-Diaspora
-
Mërgimtari humb jetën në vendin e punës në këtë shtet Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicër: Dy trena janë bllokuar në tunelin midis dy stacioneve Të mërkurën në mëngjes pati një ndërprerje në trafikun hekurudhor midis Cyrih-Hardbrücke dhe Cyrih-Oerlikon....
-
Zvicër: Ndërrimi i motit shqetëson bletarët
-
Bankat zvicerane kërkojnë më pak staf
-
Thun dëshiron të ulë taksat
-
Tonelata naftë derdhen në liqenin e Zug-ut