Gjuha
Dy poetë shqiptarë në festivalin ku merr pjesë edhe PJ Harvey
Prend Buzhala dhe Bardhec Berisha prezantohen në kuadrin e “5.Landessprache” (gjuha e pestë në Zvicër: aludohet në gjuhët e të huajve që jetojnë në Zvicër)
Nga 19 deri më 23 tetor në Lucern mbahet festivali i dytë ndërkombëtar i letërsisë “Spoken Word Festival woerdz”. Në këtë festival që sivjet po mbahet për herë të dytë, marrin pjesë edhe dy poetë shqiptarë: Prend Buzhala vjen nga Kosova si mysafir i festivalit ndërsa në mesin e poetëve që prezantohen është edhe Bardhec Berisha, që jeton në Lucern.
Buzhala dhe Berisha prezantohen në kuadrin e “5.Landessprache” (gjuha e pestë në Zvicër: aludohet në gjuhët e të huajve që jetojnë në Zvicër), thotë për albinfo.ch njëri nga pjesëmarrësit shqiptarë, Bardhec Berisha.
Është interesante se në këtë festival merr pjesë si mysafire edhe ylli i muzikës rock dhe poetja nga Anglia, PJ Harvey. Ajo është e njohur për albumin e këngëve ku këndon edhe për Kosovën, si vatër krize. Dy poetët shqiptarë do të lexojnë ditën e shtunë, më 22 tetor. Përkthimin e poezive të tyre do ta bëjnë Roza dhe Blerta Berisha.
Të njëjtën ditë do të lexojë për 35 minuta edhe PJ Harvey, e cila pastaj do të japë edhe autografet në librat e saj.
Festivali woerdz është një rast prezantimi i kokave më të njohura të skenës së “Spoken word” (fjala e folur) dhe përmes punëtorive, premierave të programeve te reja skenike dhe ofertave tjera i jep impulse të reja zhvillimit të kësaj forme të artit. Woerdz ofron një larushi stilistike brenda “Spoken Word” në skena të ndryshme me artistë të regjionit, të vendit dhe ndërkombëtarë. Woerdz mbahet në çdo të dytin vit duke e bërë qytetin e Lucernit, kryeqytet të “Spoken Word” në Zvicër”, thuhet në faqen zyrtare të festivalit.
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane