Integrimi

Dy shqiptarozviceranë, kandidatë për asambleistë në Emmen

Në këto zgjedhje marrin pjesë edhe dy kandidatë me prejardhje shqiptare. Bëhet fjalë për Bujar Berishën dhe Dritan Sylejmanin, të cilët garojnë për SP-në

 

Më 1 maj mbahen zgjedhjet për Asamblenë Komunale të lokalitetit Emmen (kantoni Lucern). Në këto zgjedhje marrin pjesë edhe dy kandidatë me prejardhje shqiptare. Bëhet fjalë për Bujar Berishën (fotograf dhe rok muzikant) dhe Dritan Sylejmanin, afarist.

Tashmë në hapësira të ndryshme të Emmen-it mund të shihen pllakatet në të cilat prezantohen në mes të tjerëve edhe portretet e dy kandidatëve të përmendur.

Të kujtojmë se Bujari është duke e kryer tashmë mandatin e parë në këtë pozicion dhe po kandidon për mandatin e dytë.

Si Bujari ashtu dhe Dritani janë pjesë e listës së Partisë Socialdemokrate (SP). Ata, si “secondo”, brez i dytë i migracionit në Zvicër, kanë një reputacion të mirë në rrethin ku jetojnë dhe pritet të kenë sukses në këto zgjedhje.

Duke qenë se në Emmen jeton një numër të madh shqiptarësh me shtetësi zvicerane, të cilët pra kanë të drejtë vote, pritet që ata të shfrytëzojnë në mënyrë sa më masive këtë të drejtë dhe të votojnë për dy kandidatët me prejardhje shqiptare.

KUJDES ! TEKSTI YNË I KOPJUAR DO TË DENONCOHET DHE RAPORTOHET. PËRPOS NËSE...

Ju keni të drejtë ta riprodhoni tekstin tonë, por me kusht që ta citoni burimin e albinfo.ch dhe kur ta publikoni shkrimin, ta integroni linkun e artikullit siç vijon: http://www.albinfo.ch/dy-shqiptarozvicerane-kandidate-per-asambleiste-ne-emmen/

Në të kundërtën, ne do të raportojmë pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin. Redaksia e albinfo.ch.