Jeta në Zvicër

Dyfishohet numri i fëmijëve nëpër kopshte në Zvicër

Në qytetin e Cyrihut rreth 45 për qind më shumë fëmijë ndjekin kopshtin e fëmijëve në krahasim me dhjetë vjet më parë. Numër më i lartë raportohet edhe në kantone të tjera.

Numri i kopshteve të fëmijëve është rritur dukshëm në Cyrih që nga viti 2007. Kjo është transmetuar nga Radio “Energy”, duke u  bazuar në shifrat e qytetit të Cyrihut. Sot 7000 fëmijë vizitojnë çerdhet në qytet, përcjell albinfo.ch.

Brenda dhjetë vjetëve të fundit numri i mësuesve të kopshteve është rritur me 45 për qind. Në kantonin e Cyrihut numri i mësuesve të kopshteve është rritur me pothuajse 30 për qind.

24 për qind më shumë mësues të kopshteve në Aargau

Situata është e ngjashme në kantonin e Aargaut, ku ka 24 për qind më shumë mësues të kopshteve. Kantonet e Thurgaut dhe St Gallen gjithashtu konfirmojnë dyfishimin e numrit të fëmijëve. Në Thurgau, 5601 fëmijë ndjekin këtë kopsht fëmijësh, 17 për qind më shumë se në vitin 2007, siç thotë Kurt Mästinger, zyrtar për arsim. Dhe në St. Gallen rritja në të njëjtën periudhë arrin gjithashtu në 6.4 për qind, ku aktualisht 10.153 fëmijë ndjekin kopshtin e fëmijëve.