E-Diaspora

Dyshohet se e ka shtyrë gruan nga dritarja, arrestohet shqiptari

Viktima, një rumune 24 vjeçare pas operacionit u ka deklaruar mjekëve se ka qenë partneri i saj ai që e ka shtyrë.

Në Dyseldorf të hënën një femër 24 vjeçare rumune është rrëzuar nga dritarja, nga kati i dytë ( lartësia prej 7 metrash) ndërsa dyshohet se e ka shtyrë partneri i saj, një shqiptar 39 vjeçar. Me atë rast gruaja ka pësuar lëndime të rënda por falë ndërhyrjes së mjekëve ajo ndodhet jashtë rrezikut për jetën, shkruan pr-online.de.

Personi që ndodhej në banesë me të është arrestuar të martën nga policia, pa bërë rezistencë, transmeton albinfo.ch. Motivet dhe rrethanat e aktit janë ende të paqarta. Policia dhe prokuroria janë duke i zhvilluar hetimet lidhur me dyshimin për tentim vrasjeje.

Por, viktima, pas operacionit u ka deklaruar mjekëve se ka qenë partneri i saj ai që e ka shtyrë. Me rastin e kontrollimit të banesës, në të cilën nuk janë të regjistruar si banorë të ligjshëm asnjëri, policët kanë gjetur drogë.

I dyshuari për tentimvrasje, deri tash nuk është deklaruar rreth aktit.

KUJDES ! TEKSTI YNË I KOPJUAR DO TË DENONCOHET DHE RAPORTOHET. PËRPOS NËSE...

Ju keni të drejtë ta riprodhoni tekstin tonë, por me kusht që ta citoni burimin e albinfo.ch dhe kur ta publikoni shkrimin, ta integroni linkun e artikullit siç vijon: http://www.albinfo.ch/dyshohet-se-e-ka-shtyre-gruan-nga-dritarja-arrestohet-shqiptari/

Në të kundërtën, ne do të raportojmë pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin. Redaksia e albinfo.ch.