Kapet me heroinë nën kasketë

Të martën policia e Lozanës arrestoi dy persona aktivë në tregtinë e heroinës në pyllin Sauvabelin (VD). Gjithsej 225 g drogë janë konfiskuar. Qeni Kidjo, i brigadës kriminele, zbuloi drogën nën një grumbull drurësh.

Gjenevë: U kapen 115 gramë heroinë

Policia e Gjenevës gjeti 115,6 g heroinë në xhepin e një djaloshi 21 vjeç, i pastrehë, i cili u dërgua në stacionin policor për t'u marrë në pyetje. Droga ishte e përgatitur në njëzet qese, bëri të ditur të enjten policia e Gjenevës në një deklaratë.

I riu 21-vjeçar u ndalua nga një patrullë policore e stacionit të trenit në Gjenevë, bashkë me një tjetër 22-vjeçar, po ashtu i pastrehë dhe që mbante me vete një thikë. Të dy thanë se ishin turistë, mohuan se njiheshin dhe që ishin të përzier në një trafik droge.

Kapet me heroinë nën kasketë

Në anën tjetër, në Lozanë, pas një transaksioni, policia e Kantonit të Lozanës arrestoi një person, i cili mbante fshehur drogën nën kasketën e tij, ndërsa kishte në xhep disa qindra franga me prejardhje të dyshimtë.

Pak më vonë, Task Forca ka arrestuar edhe një trafikant tjetër të dyshuar, i cili u përpoq të ikte. Ai mbante po ashtu shumë para.

Policia pastaj ka rrethuar pyllin Sauvabelin për të gjetur vendet e fshehura të shitësve. Qeni i brigadës zbuloi 200 gramë heroinë fshehur nën një grumbull drurësh.

Në total, policia kapi 225 gramë heroinë dhe konfiskoi rreth një mijë franga. Një nga shitësit, me origjinë shqiptare, pranoi që kishte shitur 200 gramë heroinë për 15 ditë.