Fillon Festivali i Filmit në Lokarno

Ministri federal Berset ka hapur solemnisht mbrëmë Festivalin e 65-të të Lokarnos. Në fjalën e tij të hapjes, Berset veç tjerash ka thënë se festivali është një mundësi e mirë që Zvicra të prezantohet jo vetëm si një qendër financiare por edhe si një vend idesh.

Presidenti i festivalit, Solari, në fjalën e tij ka kërkuar që Lokarno të ngrejë renomenë e tij ndërkombëtare.

Në këtë edicion të festivalit marrin pjesë 300 filma. Në mesin e tyre, me gjasa për të fituar ndonjërin “leopardët” është edhe filmi zviceran “Image Problem” .

Mes shumë mysafirëve dhe personaliteteve që marrin pjesë ose që do të nderohen me çmime janë edhe Hari Belafonte, pastaj Charlotte Rampling dhe Alain Delon. Ky i fundit do të nderohet me çmimin për vepër jetësore.