Rita Ora në Prishtinë, "ftuesit" e saj nuk dinë gjë!

Këngëtarja Rita Ora ka arritur në Prishtinë. Ajo është akomoduar në hotelin “Emerald”, ndërsa thuhet se stafi i saj ka kërkuar për Ritën nga stafi i hotelit, mantia kosovare. Enigmatikë kanë mbetur organizatorët e kësaj ardhjeje të kosovares, e cila është pjesë e kompanisë Roc Nation, shkruan gazetaexpress.com.

Përderisa më parë është thënë se Rita Kosovën do ta vizitojë me ftesë të presidentes Jahjaga, këtë e ka mohuar zëdhënësi i Presidentes, Arbër Vllahiu duke thënë se presidenca nuk ka njohuri për ardhjen e Ritës në Kosovë.

“Ato çka janë përfolur në media nuk janë të sakta sepse presidentja, me sa kam informata unë, nuk e ka ftuar në Ritën”, tha Vllahiu për Express.

As nga Ministria e Jashtme nuk kanë informata për Ritën, njëjtë sikurse nga Ministria e Kulturës. Ndonëse thuhet se kjo ministri e ka sjellë Ritën në Kosovë, ajo nuk ka dërguar asnjë komunikatë për shtyp.

Në mëngjesin e së shtunës lajmin për media e ka bërë të ditur agjencia e lajmeve Kosovapress.

Burime të afërta të kësaj agjencia kanë bërë të ditur se janë bërë të gjitha përgatitjet për koncertin e madh që të mbahet të hënën, më 10 shtator, në Stadiumin e Prishtinës.

Ky koncert do të mbahet në ditën e përmbylljes së mbikëqyrjes së pavarësisë së Kosovës.