Adrian Nikçi -realizator i dyfishtë

Në javën e 20 të super ligës së Zvicrës në futboll në derbin lokal të qytetit të Zürichut, vendësit shënuan fitore të merituar, falë futbollistit shqiptar Adrian Nikçi i cili luajti tërë ndeshjen dhe shënoi dy herë. Golin e parë e shënoi në minuten e 46 e të dytin në minuten e 52 nga penaltia.

Nikçi në këtë ndeshje doli fitues ndaj tre futbollistëve shqiptarë, të cilët u angazhuan për skuadrën mysafire, Orhan Mustafi nga fillimi e deri në minutën e 81, Mërgim Brahimi deri në minutën e 61 dhe Taulant Xhaka deri në minuten e 55.

FC Thun--FC LUZERN 1 : 1

Në këtë ndeshje u aktivizuan pesë futbollistë shqiptarë. Për vendësit Muhamed Demiri gjatë tërë ndeshjes dhe Milaim Rama nga minuta e 85, kurse për mysafirët, Burim Kukeli e Hekuran Kryeziu tërë ndeshjen dhe Jahmir Hyka deri në minuten e 69.

Kryeziu u ndëshkua me karton të verdhë në minutën e 83

FC Sion--FC Young Bois 0 : 1

Në këtë ndeshje futbollisti shqiptar Vullnet Basha në radhët e vendësve nuk u aktivizua fare për shkak të suspendimit.

FC Lausanë Sport--FC Basel

Kjo ndeshje nuk u zhvillua fare për shkak të motit të ftohtë dhe terrenit jo të përshtatshëm për lojë.