Arlind Ajeti drejt ngjitjes së karierës në futboll

Arlind Ajeti vazhdon kontratën në Basel edhe për katër vitet e ardhshme. Në rotacionin e transfereve sezonale në KF Basel, pas shkuarjes së dy futbollistëve shqiptarë ; Shaqirit dhe Xhakës, në Bundesliga,futbollisti shqiptar i radhës për sezonin e ardhshëm që stafi i këtij klubi e ka planifikuar në formacionin standard është Arlind Ajeti(18),të cilit para disa ditësh Baseli ia vazhdoi kontratën për 2+2 vjet.

Në fakt për mbrojtësin e brendshëm të djathtë,Arlind Ajetin patën kërkesa disa klube të njohura italiane dhe spanjolle, por stafi udhëheqës i klubit të Baselit e kishte konfirmuar me kohë interesimin dhe planifikimin e Ajetit në formacionin standard,pasi që siç dihet në çdo sezon ka lëvizje të lojtarëve. Prindi i Arlindit z.Afrim Ajeti thekson se gjithë interesimin dhe vlerësimin e shprehur më herët nga profesionistët e klubit ,kjo gjë para disa ditësh është finalizuar me një kontratë serioze,ashtu siç i takon futbollit profesional ,dhe për këtë gjë, ai me këtë rast i falenderon gjithë udhëheqjen e klubit Basel. Dihet se Arlind Ajeti tashmë ka konfirmuar cilësi profesionale në artin e futbollit,i cili luan shumë pozicione jo vetëm në repartin e vijës fundore,por edhe në mesfushë,konfirmime të bëra jo vetëm në Basel,por edhe në formacionin e kombëtares zvicerane. Kjo praktikë e Baselit tashmë është e njohur, se talentet,të cilët i ka arsimuar vetë nuk i lejon t’i ikin aq lehtë,por si zakonisht vetëm pasi të kenë bërë një karrierë të bujshme,atëherë vijnë në shprehje transferet, për të cilat,bëhet fjalë për vlerësime të mirëfillta në tregun futbollit etj.

Planifikimi i Ajetit në formacionin standard në Basel, nuk ka shpëtuar pa u vlerësuar edhe te mediat vendore. Në mes tjerash e përditshmja „Basler Zeitung“(më 1.06.2012)shkruan se vija fundore e mbrojtjes së formacionit Basel për sezonin e ardhshëm do të përbëhet nga Dragoviq,Ajeti,Kovaç dhe pritet transferi (nga KF Will)i Fabian Schär. Nuk është i qart transferim i Guston Sauro nga Argentina etj. Gjithsesi mediat vendore si gjithnjë i kushtojnë vëmendje të veçantë çdo lëvizje brenda formacionit të klubit Basel.

Në të njetën moshë në formacionin standard në Basel, karrierën e filloi Shaqiri,dhe më pas Xhaka. Në këtë vit radha erdhi te Ajeti,të cilit gjithashtu i urojmë sukses dhe fat. Në fakt ky është shqiptari i tretë i radhës që konfirmon cilësitë në futbollin profesional në Basel,afërsisht brenda vetëm tri viteve të fundit. Ndonëse,në formacionin e Baselit ende nuk është e qartë në detale, se cilët lojtarë të rinj do të përfshihen në repartin e sulmit dhe mesfushës,që padyshim do të ketë një rëndësi të veçantë për suksesin e përgjithshëm të skuadrës. Gjithsesi Arlind Ajetit i besohet një detyrë e rëndësishme,njëkohësisht me vazhdimin e kontratës në Basel, ai shënon edhe një hap më lartë drejt afirmimit objektiv në karrierën e futbollit profesional.