Cana: Në Zvicër do të kënaqemi edhe me barazim

Kapiteni i përfaqësueses së Shqipërisë, Lorik Cana, pas fitores ndaj Qipros ka folur edhe për sfidën e radhës ndaj Zvicrës, ndeshje kjo që luhet të martën mbrëma në Luzern.

Sipas tij, përballja më zviceranët do të jetë një ndeshje shumë e vështirë.

Ai thotë se Shqipëria do të jep maksimumin në mënyrë që tifozët shqiptarë të ndjehen krenar, transmetojnë mediat shqiptare.

“Përkrahja e tifozëve tonë në Zvicër nuk do të mungojë dhe mendoj se do të jetë një mbështetje e jashtëzakonshme. Ne do të bëjmë gjithçka për t’i bërë krenar tifozët tonë. Por, duhet ta dimë se do të jetë një ndeshje e vështirë, sepse Zvicra ka ekipin kualitativ me lojtarë që aktivizohen në kampionatet më të mëdha. Ne do të kënaqemi edhe më barazim, por do të mundohemi të zhvillojmë lojën tonë në mënyrë që të marrim të mirën”, tha Cana.