Cliff përkrah pjesëmarrjen e Kosovës në Olimpiadën "Londra 2012"
22/02/2012 - 16:28 | albinfo.ch
Ministri i Kulturës, Rinisë dhe Sportit i Republikës së Kosovës, Memli Krasniqi, ka takuar Ambasadorin e Britanisë së Madhe, Ian Cliff, me të cilin kanë biseduar për mundësitë e pjesëmarrjes së sportistëve kosovarë në Lojërat Olimpike "Londra 2012", por edhe për projekte të ndryshme sportive dhe kulturore këtu në Kosovë.
"Ministri Krasniqi e falënderoi Ambasadorin Cliff për ndihmën që ka dhënë në çështjen e sensibilizimit të opinionit ndërkombëtar në funksion të pjesëmarrjes së sportistëve kosovarë në LO ‘Londra 2012’. Ai po ashtu e njoftoi për punët që po vazhdojnë të bëhen që të arrihet ky qëllim, duke vlerësuar se para së gjithash pjesëmarrja e sportistëve të suksesshëm kosovarë në LO ‘Londra 2012’, sidomos xhudistes Majlinda Kelmendi, është humane", thuhet në kumtesnë e MKRS. Sipas kumtesës, edhe Ambasadori britanik, ka mbështetur kërkesën e Kosovës që të ketë sportistët e vet në këto Lojërat Olimpike dhe njëherësh ka shprehur gatishmërinë që të japë kontributin e tij në arritjen e këtij qëllimi. Gjithashtu Ministri dhe Ambasadori kanë biseduar edhe për projekte të tjera për kulturë dhe sport. Ata janë pajtuar që këtë vit të realizojnë projekte që nxisin pjesëmarrjen e të rinjve nga të gjitha komunitetet në aktivitete të ndryshme kulturore dhe sportive.
- - Kosova në Olimpiadë, por me çfarë flamuri? (17.05.2012 - 08:29)
- - FC Baseli i Shaqirit dhe Xhakës, fiton Kupën e Zvicrës (16.05.2012 - 23:18)
- - Pritje madhështore për Admir Mehmedin në Gostivar (16.05.2012 - 15:27)
- - Dervishaj, trajner volejbolli në Ligën e Parë të Zvicrës (16.05.2012 - 15:09)
- - Tre shqiptarë janë fitues të titullit në tri shtete të botës (15.05.2012 - 15:34)
- - Shaqiri, Xhaka dhe Mehmedi në Muzeun Kombëtar të Zvicrës, afër Federerit dhe Einsteinit (15.05.2012 - 08:30)
- - Xhaka në Gladbach për 11 milionë franga! (14.05.2012 - 11:08)
- - Goli i Nushit e kthen St.Gallenin në superligë (13.05.2012 - 19:28)
- - Mehmedi, i kënaqur në Ukrainë (13.05.2012 - 17:50)
- - Fytyra e zezë e futbollit të Evropës Lindore (13.05.2012 - 07:13)
Post new comment