Federer, fitues i pesëfishtë i titullit Cincinnati

Roger Federer, tenisti numër 1 në botë, është fitues i turneut të sivjetmë të serisë masters në Cincinnati të SHBA-së, pasi në finale mposhti serbin Novak Gjokoviq. Zvicerani është bërë ilaç për Gjokoviqin, duke e mposhtur me 2:0 në sete (6:0, 7:6/8:6).

Federer tha se është i kënaqur me lojën e tij në këtë turne dhe me fitore, e cila i solli 900 pikë të reja epërsi ndaj Gjokoviqit në renditjen e përgjithshme në listën ATP.

"Unë kisha një verë magjike", tha Federer, duke fituar për të pestën herë që nga viti 2005, 2007, 2009 dhe 2010 trofetë e Cincinnati-it të SHBA-së.

Gjokoviq kishte pranuar se zvicerani ishte më i mirë në këtë garë në SHBA. "Unë kisha shanse, por Federer ishte më i mirë sot", thotë 25-vjeçari Gjokoviç.Mbase Feder dhe Gjokoviq do të ndeshen së shpejti edhe në Kampionatin e hapur të SHB-së, që është turneu i katërt dhe i fundit grand slam i këtij viti.

Sipas të gjitha gjasave, për arsye të lëndimit, nuk do të paraqitet tenisti spanjoll Nadal, një nga ata të rrallët (shto këtu edhe Mureyn) që do të mund t’u prishte punë dyshes së parë në botë.