Futbollisti i ri Adrian Morina shafqet sonte live në ZDF pasi që ka bërë bum në „Youtube“

Shqiptari i ri nga Rorschach-u Adrian Morina shfaqet sot drejtpërdrejtë në televizionin gjerman ZDF në ora 23.00. Ai është ftuar në emisionin „Akutaliteti në Arenën Sportive“ pasi që është bërë protagonist i një videojeje mjaftë interesante në „Youtube“ me mbi 14 mijë shikime. Futbollisti i ri, me babain shqiptar dhe nënën italiane gjuan me një top futbolli objektivat e vendosura. Ai arrin të fusë topin madje edhe në një rrotë automobili në lëvizje.

Po ashtu nga një distancë madhe Adriani arrinë në mënyrë akrobatike të godas shishet e plastikës, shkruan më tej gazeta e njohur zvicerane „St.Galler Tagblatt“.

Shtatëmbëdhjetë vjeçari do ta sfidojë sonte Live trajnerin e Bundesligës gjermane të klubit Borusia të Dortmundit, Jürgen Klopp, me gjuajtje në portë të golit në mur.

Siç shkruan kjo gazetë, paraqitjet e Adrian Morinës janë në kufirin e legalitetit. Ky i ri është inspiruar nga francezi Rèmi Gaillard. Ky talent futbolli është i njohur me goditje e tij fërkuese që për pak sa nuk kalojnë kufirin e legalitetit. Po kështu vepron edhe Adriani, cili godet me një top futbolli trenin në lëvizje.