Marrëveshja e Shaqirit me Bayernin - funksionon

Talenti i rrallë i futbollit, shqiptari i Bazelit, Xherdan Shaqiri, të martën i është nënshtruar kontrollit mjekësor-sportiv në FC Bayern dhe ka nënshkruar një kontaratë të vlefshme deri në vitin 2016.

Kështu shkruajnë mediet gjermane dhe zvicerane të mbrëmjes së të martës në internet. Ndërsa televizionet kanë publikuar pamje nga qendrimi i Shaqirit në Munih.

Këshilltari i futbollistit të talentuar kosovar, Wolfgang Vöge thuhet të ketë sqartuar në fillim të javës të gjitha detajet rreth kontratës së Shaqirit me FC Bayernin.

Megjithëse përgjegjësit e klubit të madh gjerman nuk janë shprehur ende publikisht, mediet thonë se FC Bayerni do t`i paguajë FC Baselit 11.6 milionë euro për Shaqirin. Veç kësaj do të ketë edhe bonuse në rast të fitimit të titujve.