E-Diaspora

Eda Zari është “zëri i popullit të saj” që flet me gjuhën e xhazit

"Xhazi është qilimi që i mbulon të gjitha”, vërteton Eda Zari dhe në të unë i end perlat dhe stolisjet nga universi im muzikal”

Në vitin 1989 ajo kishte ardhur në Gjermani si një e re 19 vjeçe. Kishte ikur nga regjimi komunist shqiptar, i cili ia kishte vrarë vëllain dhe pastaj e kishte arrestuar gjithë familjen. Kështu shkruan kulturradio.de në prezantimin e këngëtares shqiptare.

Në Këln, Eda pati mundësinë të vazhdonte shkollimin për këngëtare të operës. Por, ajo nuk ka qenë asnjëherë sa duhet e disiplinuar për soprano, thotë vetë këngëtarja, transmeton albinfo.ch. Asaj i pëlqente të improvizojë spontanisht dhe të interpretojë, pra të bëjë xhaz. “Ai është qilimi që i mbulon të gjitha”, vërteton Eda Zari dhe në të unë i end perlat dhe stolisjet nga universi im muzikal”.

Rrënjët e saj muzikore gërshetohen në kompozimet e saj. Në muzikën e saj strukturat muzikore të Shqipërisë rrjedhin më pak si trajta kërkimi të atdheut dhe identitetit e më shumë si elemente pasuruese të kompozimeve në fjalë.

Në albumin e saj “Entropy”, Eda Zari i përkushtohet muzikës sakrale të kishës bizantine ortodokse, e cila bart në vete trashëgiminë greke, hebrenje e siriane dhe, sipas legjendave, vjen nga engjëjt.

KUJDES ! TEKSTI YNË I KOPJUAR DO TË DENONCOHET DHE RAPORTOHET. PËRPOS NËSE...

Ju keni të drejtë ta riprodhoni tekstin tonë, por me kusht që ta citoni burimin e albinfo.ch dhe kur ta publikoni shkrimin, ta integroni linkun e artikullit siç vijon: http://www.albinfo.ch/eda-zari-eshte-zeri-i-popullit-te-saj-qe-flet-me-gjuhen-e-xhazit/

Në të kundërtën, ne do të raportojmë pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin. Redaksia e albinfo.ch.