Të tjera
Ekipi olimpik në Festivalin Olimpik në Prishtinë
Prania e ekipit të xhudos, zgjoi kureshtjen e të pranishmëve, të cilët patën rastin ta shohin medalisten e artë në “Rio 2016”, Majlinda Kelmendi, duke shfaqur aftësitë e saj edhe në kërling
Kampionia olimpike, Majlinda Kelmendi, xhudisti i mirënjohur, Akil Gjakova, trajneri – kampion olimpik, Driton Kuka dhe kryetari i Federatës së Xhudos së Kosovës, Agron Kuka, kanë vizituar të martën Festivalin Olimpik PyeongChang 2018, i cili po mbahet në sheshin “Zahir Pajaziti” në Prishtinë.
Mysafirët patën rastin të praktikojnë edhe sportin e kërlingut, i cili bashkë me patinazhin dhe hokejin po promovohen nga Komiteti Olimpik i Kosovës, përcjell albinfo.ch.
Prania e ekipit të xhudos, zgjoi kureshtjen e të pranishmëve, të cilët patën rastin ta shohin medalisten e artë në “Rio 2016”, Majlinda Kelmendi, duke shfaqur aftësitë e saj edhe në kërling.
Akil Gjakova me vete kishte edhe medaljen e artë të fituar javën e kaluar në Grand Slamin e Parisit.
Më pas, kampionët, iu drejtuan edhe fushës me akull sintetik, ku dhjetëra fëmijë dhe vullnetarë patën rastin të fotografohen me ta.
Në 12 ditët e deritashme prej se ka filluar Festivali, sportet e kërlingut dhe patinazhit i kanë praktikuar dhjetëra mijëra fëmijë, kurse në dy ditët e fundit (24 dhe 25 shkurt) fëmijët do të shijojnë edhe sportin e hokejit.
Festivali po mbahet krahas Lojërave Olimpike Dimërore PyeongChang2018, të cilat po përcillen në ekranin gjigant të vendosur skaj aktiviteteve.
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe