Integrimi
Hapet ekspozita e piktorit Përgjokaj në Schinznach
Nik Përgjokaj tregon veprën e tij me titull “Iluzionet e qeniesimit” pranë klinikës aarReha në Schinznach, shkruan “Aargauer Zeitung”. Artisti shumë dimensional jeton në botën e ngjyrave.
Përgjokaj nuk njeh frikën e kontaktit dhe në pikturat e tij lejon simbiozën e ndryshme të ndikimeve dhe teknikave. Pikturat e vizatuara me vëmendje dhe delikatesë, janë të pa komplikuara dhe shumëngjyrëshe.
Disa nga pikturat më të njohura janë Acryl auf Leinwand, ndërsa në përfundim e sipër është Koi-Fisch. Bota e ngjyrave e ka fascinuar atë prej në fëmijëri dhe kjo e ka shtyrë të bëhet piktor, thotë Përgjokaj, shkruan albinfo.ch. “Në fillimet e mia kërkoja të vizatoja si mjeshtërit e mëdhenj,” thotë duke qeshur 40 vjeçari. Më pas ai kuptoi se edhe piktura moderne është po aq tërheqëse. “Kështu fillova të eksperimentoj mes mësimit dhe profesionit.”
Ai ka provuar disa nga zhanret: Ekspresionizmin, abstrakten, realizmin, por edhe Street Art dhe Urban Art. Me talentin e tij ai rregullisht mund të merrte pjesë nëpër ekspozita.
Përgjokaj inspirohet nga jeta e përditshme
Inspirimet Përgjokaj i merr gjatë jetës së përditshme.
“Pikturat e mia janë pjesë e përditshmërisë sime dhe nga situatat e jetës, ndonjëherë edhe nga fantazia ose rastësia e pastër. Pra shpesh kanë të bëjnë me intuitën,” vijon ai.Të gjithë të interesuarit mund të shikojnë ekspozitën e tij nga 6 prilli në aarReha të Schinznach-Bad, ku pikturat do qëndrojnë deri në fund të shtatorit. “Iluzionet e qeniesimit” titullohet ajo.
Shumë nga pikturat janë të vështira për t’u kuptuar, pasi fshehin botën e brendshme të artistit, megjithatë çdo pikturë jep një mesazh të vetin. Në ekspozitë janë 25 deri 30 piktura, ku rreth gjysmat janë të vizatuara tani, ndërsa tjerat në vitet e fundit.
Përgjokaj ndonjëherë punon vonë në mbrëmje, ndonjëherë në mëngjes herët, ndonjëherë ndonjë pikturë përfundon brenda pak orëve – “dhe më pas pyesësh veten, sesi ndodhi kjo” – ndonjëherë gjithë ditën i mungojnë detajet.
10 përqind e përfitimeve të tij shkojnë për çështje bamirësie, konkretisht në Caritas. Në vendlindjen e tij Kosovë e ka mësuar këtë organizatë bamirësie.
Dhe çfarë do bëjë në të ardhmen? Ai do vijojë të vizatojë piktura tjera, përgjigjet ai. Gjithashtu shpreson se me kontakte e fituara të marrë pjesë në galeri më të mëdha. Ai është i vendosur që të vijojë pikturat e tij me furçë dhe ngjyra.
“Ndonjëherë më sundojnë furça dhe ngjyrat,” thotë ai. “Këto momente të veçanta janë magjike për mua.”
Ekspozita: «Die Illusion des Seins» E premte, 6. prill, ora 18.30, aarReha, Schinznach-Bad; e hapur deri 30 shtator.
Info rreth ngjarjes
- Data e fillimit06 Prill 2018
- Ora18:30
- LokacioniSchinznach-Bad
- Data e përfundimit30 Shtator 2018 - 23:00
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Netflix në Zvicër, me kosto të lartë Kostoja e abonimeve në shërbimin e transmetimit është rritur përsëri – rritja e pestë e çmimit...
-
Zvicër: Veçanërisht të moshuarit kanë votuar për pensionin e 13-të
-
Zvicër: Kostot e sistemit shëndetësor kanë arritur 91.5 miliardë franga
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme