Ëmbëlsira

Ëmbëlsirë me kivi

Ëmbëlsirë me kiviPërbërësit:

•       220 gr biskota,
•       80 gr gjalpë,
•       300 gr ajkë,
•       300 gr jogurt të pemëve (me shije kivi, dredhëz),
•       150 gr sheqer pluhur,
•       15 gr xhelatinë (1 qeskë e gjysmë),
•       100 ml ujë,
•       3-4 kivi.

Përgatitja:

Së pari grimcojmë biskotat, ia shtojmë gjalpin e shkrirë duke i përzierë. Me masën e fituar e mbulojmë fundin e tepsisë (tepsi për kek, e cila hapet anash duke e shtypur mirë).

Kremi:

Xhelatinën e vendosim në një enë të vogël me dy-tri lugë ujë, pjesën e mbetur të ujit e ngrohim, por jo të vlojë. Pasi uji të jetë gati, shtojmë xhelatinën, e cila ka qëndruar rreth 5 minuta duke i përzier.
Në anën tjetër përziejmë ajkën, jogurtin, sheqerin dhe në fund shtojmë xhelatinën e përgatitur.

Kivin e ndajmë në copa, e vendosim përmbi brumin nga biskotat dhe anash, pastaj shtojmë masën nga jogurti. Në këtë mënyrë shkon në ftohës, ku duhet të qëndrojë së paku 2-3 orë.

Ju bëftë mirë

KUJDES ! TEKSTI YNË I KOPJUAR DO TË DENONCOHET DHE RAPORTOHET. PËRPOS NËSE...

Ju keni të drejtë ta riprodhoni tekstin tonë, por me kusht që ta citoni burimin e albinfo.ch dhe kur ta publikoni shkrimin, ta integroni linkun e artikullit siç vijon: http://www.albinfo.ch/embelsire-me-kivi/

Në të kundërtën, ne do të raportojmë pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin. Redaksia e albinfo.ch.