Lajme

Ethet e Nilit rrezikojnë edhe Shqipërinë

Shqipëria është vend i rrezikuar nga sëmundja e etheve të Nilit. Sëmundja shkaktohet nga virusi i cili shpërndahet nëpërmjet pickimit të mushkonjave

Edhe pse virusi qarkullon në Greqi dhe Itali, Shqipëria akoma nuk ka regjistruar asnjë rast të tillë, por sipas specialistëve një gjë e tillë mund edhe të ndodhë.

“Shqipëria është rrezikuar pasi në vendin tonë gjenden vektorët që shpërndajnë. Por ne jemi duke monitoruar sidomos në rastet e rënda të saj si meingit, apo encenfalit. Janë regjistruar katër raste në Greqi, 1 në Itali dhe 1 në Izrael”, thotë Silva Bino, nga Instituti i Shëndetit Publik, për “Top-Channel”.

Sëmundja shkaktohet nga virusi i cili shpërndahet nëpërmjet pickimit të mushkonjave.

Mjafton që ato të bien në kontakt me zogj të infektuar dhe  përhapin virusin në njerëz. Ethet e Nilit perëndimor është forma më e shpejtë e sëmundjes, e cila karakterizohet me temperaturë, me plogështi, me dobësi, me dhimbje koke, dhe dhimbje trupi. Mund të paraqiten edhe anoreksi ose të vjella, me puçrra në lëkurë, dhe në rastet më të rënda me encefalit, meningit apo paralizë.

Te njeriu paraqitet në dy forma klinike: ethet e Nilit Perëndimor që është relativisht e lehtë dhe i ngjan gripit dhe ajo neuroinvazive, e cila i përfshin të gjitha rastet me shenja neurologjike.