Ekonomi

Euro më e fortë se kurrë

Monedha euro ka filluar të forcohet tani në Shqipëri, dhe një euro këmbehet me 133.58 lekë

Sipas kursit zyrtar të Bankës së Shqipërisë euro ka arritur në tregun vendas nivelin më të lartë të këmbimit që nga muaji maj, duke u këmbyer me 133.58 lekë.

Euro u zhvlerësua ndjeshëm përkundrejt lekut gjatë fushatës zgjedhore, ku nivelin më të ulët e shënoi më 27 qershor.

Por, monedha euro vijoi e dobët gjatë gjithë sezonit veror, ndikuar edhe prej efekteve sezonale, si fluksi i turistëve dhe kthimi për pushime i emigrantëve, bëjnë të ditura mediat shqiptare.

Me përfundimin e këtyre efekteve, por edhe nën ndikimin e tregjeve ndërkombëtare, ku euro po këmbehet në nivele të larta, monedha e përbashkët po fillon të forcohet edhe në tregun vendas, megjithëse pa kapur nivelin e një viti më parë, përcjell albinfo.ch.

Në të njëjtën datë një vit më parë, euro këmbehej me 137.45 lekë, rreth 3.8 lekë më shumë.