Kosova
Fakulteti Juridik, më i kërkuari nga të rinjtë
Është mbajtur provimi pranues në disa njësi akademike të Universitetit të Prishtinës "Hasan Prishtina".
Fakulteti Juridik mbetet më i kërkuari nga të rinjtë dhe për 817 vende të lira kanë aplikuar më shumë se 1000 persona. Gjatë së enjtes, provimet pranuese janë mbajtur në Fakultetin Juridik, Fakultetin e Arteve, në Fakultetin e Filologjisë, të Filozofisë, të Edukimit dhe Fakultetin e Edukimit Fizik dhe Sportit.
Provime në njësitë e tjera akademike do të mbahen edhe të premten e të shtunën, ndërsa siç bëhet e ditur nga menaxhmenti i UP-së, rezultatet do të dalin shumë shpejt. Më shumë se 12 mijë kandidatë kanë konkurruar për t’u bërë pjesë e UP-së, ndërsa do të pranohen 8 mijë studentë për vitin akademik 2018-2019.
Rektori Marjan Dema ka thënë se interesimi i madh për t’u bërë pjesë e Universitetit shton përgjegjësinë për t’iu siguruar studentëve cilësi akademike.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit