CH-Ballkani
‘Falen’ serbët që dogjën Ambasadën Amerikane në Beograd
Gjykata e Lartë e Beogradit ka dënuar me kusht me pesë e 6 muaj burgim katër të akuzuar për zjarrvënie në Ambasadën Amerikane në Beograd në ditën e shpalljes së Pavarësisë së Kosovës, më 17 shkurt të vitit 2008, raportojnë mediat serbe.
Po kjo gjykatë liroi tre të tjerë nga akuza, si të pafajshëm. Për veprën penale “kundër sigurisë së përgjithshme” me nga gjashtë muaj burgim me kusht dyvjeçar janë dënuar Dejan Vuçkoviq, Dragan Marinkov dhe Marko Novitoviq, ndërsa Millan Tomas u dënua me pesë muaj, edhe ky me kusht për dy vjet, përcjell albinfo.ch.
Gjorgje Tomi, Nikolla Kosanoviq dhe Filip Backoviq u liruan nga akuza, siç raportohet, për mungesë faktesh.
Serbët kishin protestuar para Ambasadës Amerikane, duke e konsideruar atë si mbështetësen kryesore të kësaj pavarësia, përveçse brohoritën parulla antiamerikane dhe “Kosova është Serbi”, ata e sulmuan Ambasadën edhe me gurë dhe ia vunë zjarrin, duke i shkaktuar dëme të konsiderueshme.
Të tjera nga CH-Ballkani
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit