Bota
Fëmijët parakalojnë në xhaminë turke, tmerrohen gjermanët
Fëmijët e moshës katër deri shtatëvjeçare, kanë parakaluar me armë plastike dhe uniforma ushtarake nëpër xhami. Ata kanë brohoritur dhe përshëndetur me zë të lartë
Një video nga një xhami turke të shoqatës turke “Ditib” në Herford, ka shkaktuar debate të ashpra në rrjet dhe në politikën lokale. Fëmijë të mitur janë paraqitur në një shfaqje të veshur me uniforma ushtarake.
Fëmijët e moshës katër deri shtatëvjeçare, kanë parakaluar me armë plastike dhe uniforma ushtarake nëpër xhami. Ata kanë brohoritur dhe përshëndetur me zë të lartë, shkruan “Neue Westfälische Zeitung”, përcjell Albinfo.ch. Shfaqja u shpërnda përmes videos në rrjetet sociale, por sërish u fshi.
Lidhur me këtë rast, Shoqata turke “Ditib” ka deklaruar: “Vendimi për shfaqje të tillë ishte marrë nga këshilli prindëror dhe po nga ata është përgatitur shfaqja”, ka pohuar anëtari i shoqatës, Necati Aydin.
Ai më tej ka shpjeguar se kjo shfaqje i referohej një fitore luftarake turke në vitin 1915/16.
Nga ana tjetër, politikani gjerman i CDU-së, Tim Ostermann është irrituar nga ngjarja. Ai menjëherë e ka kontaktuar shoqatën në fjalë dhe është në pritje të përgjigjes: “Mendoj se bëhet fjalë për një problematikë të rëndë po që se fëmijët instrumentalizohen. Kjo mënyrë kundërshton në çdo aspekt përpjekjet për integrim”, ka thënë ndër të tjera politikani gjerman.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Gjykata Federale: I moshuari ka të drejtë për ndihma, edhe pse ka shpenzuar paratë e veta Zyra e kompensimit i kishte refuzuar kërkesën, sepse ai kishte shpenzuar mbi 120,000 franga nga përfitimet...
-
Pse 1 maji nuk është festë publike kudo në Zvicër?
-
Zvicër: Dy trena janë bllokuar në tunelin midis dy stacioneve
-
Zvicër: Ndërrimi i motit shqetëson bletarët
-
Bankat zvicerane kërkojnë më pak staf