Kultura
Filmi kosovar “Gomarët e kufirit” në festivalin e Fribourgut
Filmi kosovar “Gomarët e kufirit” i regjisorit Jeton Ahmetaj do të shfaqet premierë në kuadër të edicionit të 25-të të festivalit ndërkombëtar të filmit në Fribourg të Zvicrës (FIFF).
Të gjithë ata që nuk kanë arritur ta shikojnë këtë film në Prishtinë apo në Tiranë do ta kenë këtë mundësi në këtë festival të filmit, që do të mbahet prej 21 deri më 26 mars.
Hazir Haziri, producent i linjës së këtij projekti filmik, i cili tashmë ka kaluar kufijtë e Kosovës duke marrë disa shpërblime, ka bërë të ditur për Albinfo.ch se filmi është pranuar nga drejtori i këtij festivali në shtator të vitit të kaluar, ndërsa ka marrë dritën e gjelbër nga juria seleksionuese në dhjetor të vitit 2010, duke zënë vendin në seksionin e panoramës.
Ai ka bërë të ditur se në premierën e këtij filmi do të jetë i pranishëm edhe regjisori Jeton Ahmetaj.
Jeton Ahmetaj ka konkretizuar në shirit filmik skenarin e Jeton Nezirajt, një rrëfimi i vitit 1968, në kohën e komunizmit, në një zonë kufitare mes ish-Jugosllavisë dhe Shqipërisë, ku një burim uji ishte vendi ku takoheshin njerëzit andej e këtej kufirit. Mesazhi i këtij filmi ishte lufta psikologjike për të shkuar drejt Perëndimit. Në konkurrencë zyrtare për çmimin kryesor të këtij festivali janë edhe shumë filma të tjerë të vendit dhe ndërkombëtarë.
Drejtues të këtij festivali kanë premtuar se programi i këtij edicioni të 25-të jubilar do të jetë i veçantë, me shumë filma ndërkombëtarë të cilësisë së lartë dhe me shumë spektatorë. Këtë herë janë seleksionuar filmat edhe sipas temës, zonës gjeografike dhe të personazhit, si dhe seksionit panorama, ku është filmi kosovar “Gomarët e kufirit”.
Së fundi, nëpërmjet përzgjedhjes së veçantë të filmave nga Kuba, Bangladeshi, Peruja, Kongo dhe Kosova, është synuar të ketë një reflektim ndërmjet filmit në Veri, Jug, Lindje dhe Perëndim, thuhet në portalin e festivalit.
Pas Fribourgut të Zvicrës, filmi“Gomarët e kufirit” do të jetë edhe në një garë tjetër ndërkombëtare të filmit, edhe atë në festivalin e filmit të Evropës Juglindore në Paris, i cili do të mbahet prej 12 deri më 17 prill.
E-Diaspora
-
Koncert në Cyrih nga dy artiste shqiptare, Agona Shporta dhe Tringa Sadiku Në Cyrih do të mbahet një koncert më 02.05.2024 duke filluar nga ora 21:10, në adresen...
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe
-
8 filma nga Kosova dhe Shqipëria do të prezantohen në Festivalin e Filmit “goEast” 2024
-
Partneritet mes studentëve të Universitetit të Lucernit dhe atyre nga Maqedonia
Jeta në Zvicër
-
Lojë shpërblyese: Fitoni bileta për të shikuar njërin nga 27 filmat në Kino Kosova Platforma mediale albinfo.ch është partner medial i edicionit të katërt të Kino Kosova...
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër
-
I dënuari për vrasjen e dyfishtë në Bazel: Nuk e dija se armët ishin të vërteta!
-
Miliarderi zviceran jep 243 milionë dollarë për demokratët amerikanë, “çmenden” republikanët