Jeta në Zvicër

Frangu i fortë e bën Cyrihun qytetin më të shtrenjtë në botë

Jeta në qytetin e Cyrihut ka çmimin e vet, veçanërisht që nga heqja e normës minimale të këmbimit të frangut me euron.

Pas heqjes së kufizimeve të kursit të këmbimit të frangut në raport me euron, Cyrihu dhe Gjeneva janë qytetet më të shtrenjta në botë. Dy qytetet zvicerane kanë tejkaluar Singaporin në ranglistën e përpiluar nga revista britanike “Economist”.

Cyrihu prin në listë nga 15 janari, kur Banka Nacionale e Zvicrës ka hequr kufizimet minimale në kursin e këmbimit të frangur me euron. Si një masë e indeksit është kostoja e jetesës. Cyrihu vjen sërish me 136 pikë, Gjeneva me 130. Pataj vjen Singapori, Parisi dhe Oslo. Para 15 janarit

Cyrihu ishte ende në vendin e 4-t e Gjeneva në vendin e 7-të

“Economist” ka bërë hulumtimin në 130 qytete, por ka publikuar listën vetëm për dhjetë qytetet më të shtrenjta dhe dhjetë më të mira. Vetëm pozita e New York-ut (22) gjithashtu është bërë publike në studim.

Qytetet më të mira në botë janë Karaçi (Pakistan), Bangalore (Indi), Caracas (Venezuelë), Mumbai dhe Chennai.
Indeksi është përpiluar dy herë në vit dhe i krahason më shumë se 50 mijë çmime të 160 produkteve dhe shërbimeve.