Sport
Futbollisti thotë se sulmi me bombë në autobusin e Dortmundit i ndryshoi jetën
Futbollisti kishte lënduar dorën gjatë sulmit, derisa ka theksuar se ka pasur ankthe, që nga ngjarja traumatike, duke e lënë në spital për pesë ditë ‘të tmerrshme’
Mbrojtësi spanjoll, Marc Bartra, ka folur në një gjykatë gjermane të hënën për frikën që kishte pasi autobusi i ekipit të Dortmundit është sulmuar me bombë. Ai ka thënë se kjo i ndryshoi jetën, shkruan albinfo.ch.
Bartra, 27-vjeçar, dëshmoi në gjyqin kundër gjermano-rusit S. Wenergold, i cili ka pranuar se ka tentuar të pasurohet, sepse do të binin aksionet në klubin gjerman pas sulmit me bombë, raportojnë mediat gjermane.
Futbollisti kishte lënduar dorën gjatë sulmit, derisa ka theksuar se ka pasur ankthe, që nga ngjarja traumatike, duke e lënë në spital për pesë ditë ‘të tmerrshme’.
“Unë ende nuk e kam veten plotësisht nga sulmi dhe vazhdoj të vuaj”, ka thënë ai.
“Pashë frikë vdekjeprurëse dhe kisha frikë se nuk do ta shihja kurrë më familjen time”.
Shpërthimi i trefishtë më 11 prill shkatërroi dritaret e autobusit të ekipit, me një oficer të policisë, që po ashtu vuante nga dëmtimi i veshit të brendshëm.
Wenergold akuzohet se do të përfitonte nga rënia e parashikuar në vlerën e tregut të aksioneve të klubit, pas këtyre sulmeve me bombë.
“Kisha frikë se do të ketë më shumë sulme. Krahu im po gjakosej, isha i tronditur”, ka thënë futbollisti i njohur.
Fillimisht u dyshua për një sulm xhihadist, por më pas arrestoi Wenergoldin dhjetë ditë më vonë.
Ai akuzohet për vrasje në tentative dhe mund të përballet me burg të përjetshëm nëse shpallet fajtor, edhe pse në Gjermani lirimi me kusht zakonisht bëhet pas 15 vjetësh.
E-Diaspora
-
Adoleshenti kosovar, i dyshuar për ISIS, e quan veten “Bombarduesi” 15-vjeçari zviceran me prejardhje kurde dhe 16-vjeçari, shtetas italian me rrënjë kosovare, të arrestuar në Schaffhausen,...
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
-
Nga 1 maji, filmi kosovar-zviceran “The Land within”, në kinematë e Zvicrës
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor