Lajme

Gara e muzicentëve të rinj nga pesë shtete në Prishtinë

Deri më tani janë regjistruar rreth 90 kandidatë instrumentistë dhe solokëngëtarë nga 5 vjeç deri në 26. Kandidatët vijnë nga Kosova, Shqipëria, Maqedonia, Turqia e Bullgaria

Më 9 qershor në Amfiteatrin e Bibliotekës së Re Universitare, fillon edicioni i 13-të i garave të muzicientëve të rinj “ArsKosova 2017”, njofton albinfo.ch.

 

Sipas organizatorëve, garat do te zhvillohen gjatë tre ditëve, 9, 10 dhe 11 qershor, në instrumentet piano, violinë, violë, violonçello, kontrabas,  kitarë, flaut, klarinetë, ndërkaq sivjet hyjnë në garë edhe instrumentet: oboe, fagot, korno, trompë, trombon, solokëndim dhe muzikë dhome.

 

“Deri më tani janë regjistruar rreth 90 kandidatë instrumentistë dhe solokëngëtarë nga 5 vjeç deri në 26. Kandidatët vijnë nga Kosova, Shqipëria, Maqedonia, Turqia e Bullgaria”, thuhet në njoftim.

 

Edhe këtë vit, për herë të shtatë me radhë, kompozitori i njohur Prof.Dr.Sci. Akil Mark Koci, i mbështet dhe i stimulon talentet e rinj të garave, duke ndarë dy stipendione për finalistët kosovarë dhe çmimin e kompozitorit “Akil Koci”. Koci, i cili jeton dhe vepron në Londër, që nga viti 2005, në edicionin e  trembëdhjetë ndan tre çmime për finalistët.

 

Fituesi i çmimit “Grand Prix”, përpos shpërblimit me 300 euro, nga organizatorët do të fitojë po ashtu të drejtën për të luajtur solo koncert me orkestrën harkore të festivalit “Kosova Kamerfest 2017”, që mbahet në tetor. Përpos shpërblimeve të lartpërmendura, në finale ndahen edhe shpërblime për vendin e parë, të dytë dhe të tretë.

KUJDES ! TEKSTI YNË I KOPJUAR DO TË DENONCOHET DHE RAPORTOHET. PËRPOS NËSE...

Ju keni të drejtë ta riprodhoni tekstin tonë, por me kusht që ta citoni burimin e albinfo.ch dhe kur ta publikoni shkrimin, ta integroni linkun e artikullit siç vijon: http://www.albinfo.ch/gara-e-muzicenteve-te-rinj-nga-pese-shtete-ne-prishtine/

Në të kundërtën, ne do të raportojmë pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin. Redaksia e albinfo.ch.