E-Diaspora
Gashi fton investitorët të investojnë në Kosovë
Po ashtu, gjatë vizitës së tij, ai takoi edhe përfaqësuesit e komunitetit të bizneseve nga Dyseldorfi, Berlini, Ziegeni, Frankfurti, anëtarë dhe pjesë e kryesisë së Unionit të Bizneseve të Diasporës në Gjermani, afaristë të suksesshëm në fushat përkatëse, me të cilët bisedoi për mundësitë e krijuara me Ligjin e ri të investimeve strategjike për të investuar në Kosovë
Zëvendëskryeministri i Kosovës, njëherësh ministri i Diasporës dhe Investimeve Strategjike, Dardan Gashi, po qëndron për një vizitë zyrtare në Republikën Federale të Gjermanisë.
Në Berlin, përpos takimeve me diasporën shqiptare, Gashi ishte i pranishëm edhe në manifestimin e 10-vjetorit të Pavarësisë së Kosovës, organizuar nga Ambasada e Republikës së Kosovës në kryeqytetin e Gjermanisë. Në mesin e ministrave, sekretarëve të Shtetit dhe deputetëve të Bundestagut gjerman, në cilësinë e zv. kryeministrit të Republikës së Kosovës, Gashi ishte zyrtari i parë i Qeverisë kosovare që iu drejtua Qeverisë së re gjermane, e posaformuar nga kancelarja Angela Merkel, përcjell albinfo.ch.
“Në këtë 10-vjetor të Pavarësisë së Kosovës, në Berlin, po shpreh optimizmin që 11- vjetorin qytetarët e Republikës sonë ta presin duke lëvizur të lirë në vendet e Schengenit, ndërsa 20-vjetorin e Pavarësisë si shtet anëtar i Bashkimit Evropian”, tha Gashi në fjalimin para zyrtarëve të shtetit gjerman dhe korit diplomatik të akredituar në Berlin.
Po ashtu, gjatë vizitës së tij, ai takoi edhe përfaqësuesit e komunitetit të bizneseve nga Dyseldorfi, Berlini, Ziegeni, Frankfurti, anëtarë dhe pjesë e kryesisë së Unionit të Bizneseve të Diasporës në Gjermani, afaristë të suksesshëm në fushat përkatëse, me të cilët bisedoi për mundësitë e krijuara me Ligjin e ri të investimeve strategjike për të investuar në Kosovë.
“Para pak kohësh kemi marrë edhe aplikacionin e parë nga një kompani gjermane, pronë e një bashkatdhetari tonë, për t’u kualifikuar si investitor strategjik në fushën e prodhimit të energjisë solare. Kjo do të duhej të shërbejë edhe si një motiv shtesë që ju, së bashku edhe me kompanitë gjermane, të vini në Kosovë për të investuar në fushat e minierave dhe të mineraleve, energjisë dhe turizmit”, theksoi Gashi gjatë takimit.
Dardan Gashi do t’i vazhdojë takimet në Shtutgart, me shkollat e mësimit të gjuhës shqipe.
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane