E-Diaspora

Genci Gestila si James Bond, shpëton një grua që po mbytej në lumë

Genci Gestila është me prejardhje shqiptare, derisa ka nënshtetësi greke. Ai më parë ka qenë në ushtrinë greke, derisa ka një trup muskuloz

E përditshmja angleze “Daily Mail” ka shkruar për një shqiptar me nënshtetësi greke, i cili ka shpëtuar një grua, që po mbytej në një lumë në Londër, përcjell albinfo.ch.

Madje, “Daily Mail” e ka krahasuar 21-vjeçarin me aktorin e njohur, Daniel Craig në rolin e James Bond.

Genci Gestila është me prejardhje shqiptare, derisa ka nënshtetësi greke. Ai më parë ka qenë në ushtrinë greke, derisa ka një trup muskuloz.

Genci ishte në një bar me disa shokë të tij dhe nuk ka ngurruar të shkojë, kur ka dëgjuar për ndihmë një grua që po mbytej në lumë. Ai i ka shpëtuar jetën asaj.

Ajo nuk dinte të notonte dhe nuk mund të dilte nga uji, por Genci e shpëtoi ai. Edhe policia britanike e ka quajtur hero.

“Uji ishte shumë i ftohtë, derisa ajo nuk notonte. Ishte shumë metra larg nga bregu dhe ajo nuk po merrte frymë. E kam marr dhe e kam nxjerrë nga uji”, ka thënë Genci Gestila.

“Kam qenë në ushtrinë greke dhe jam stërvitur për situata të tilla. Madje, jemi stërvitur edhe për në liqen me akull. Pra, kjo nuk ishte diçka e jashtëzakonshme për mua”, ka shtuar tutje ai.