Bota

Gjermania, në top 10-shen për integrimin e të huajve, Zvicra e 21-ta

Shumica refugjatëve kanë ardhur muajt e fundit në Gjermani. Shumë nga këta njerëz ndoshta do të qëndrojnë më gjatë, nëse gjendja në vendet e tyre nuk do të ndryshojë, për shembull, në Siri.
Çfarë e dallon qeverinë gjermane me vendet e tjera kur bëhet fjalë për integrimin e emigrantëve dhe si i bënë ata pjesë të shoqërisë gjermane? Emigrantët në Gjermani, edhe ata që jetojnë këtu për shumë vjet, a i kanë të njëjtat të drejta dhe mundësi?

“Migration Policy Group”, me qendër në Bruksel, ka krahasuar politikat integruese të 38 vendeve: 28 shtetet e BE-se, plus Norvegjia, Islanda, Australia, Kanadaja, SHBA, Zvicra, Turqia, Koreja e Jugut, Zelanda e Re, Japonia.

Vendet janë renditur sipas indeksit të integrimit MIPEX në tetë fusha kryesore të politikave në bazë të 167 treguesve.

Prandaj, politika e integrimit e Gjermanisë ka zënë vendin në mesin e dhjetë vendeve më të mira të integrimit. Nga 100 pikë Gjermania ka arritur 61, tre pikë më shumë se nga viti 2011. Kështu, Gjeramnia është pak mbi mesataren e Evropës Perëndimore me 60 pikë dhe do të lëvizë drejt vendeve veriore evropiane. Për krahasim, emigracioni në Kanada është në vendin e gjashtë këtë herë. Greqia u rendit e 27-ta, Austria renditet e 20-ta, Zvicra qëndron në vendin e 21-të.

Lista e plotë do të publikohet më 26 qershor 2015

Gjermania është parë tani si një model nga vendet e tjera në politikën e integrimit. Kështu thotë Thomas Huddleston, drejtor i programit të Grupit të Politikave të Migrimit.
Politikanët gjermanë kanë arritur në vitet e fundit për të zbatuar një sërë përmirësimesh për emigrantët, për shembull, njohjen e përmirësuar të kualifikimeve të huaja. Në vendet e tjera të industrializuara, megjithatë, partitë e krahut të djathtë populliste kanë përcaktuar axhendën politike, duke bllokuar reformat në këtë drejtim.

Veçanërisht në tregun e punës, sipas MIPEX, shpesh kanë sukses edhe emigrantët të integrohen, në këtë fushë Gjermania është në vendin e katërt. Ndërsa Kanada shpesh është përmendur në debate si një model. Në mënyrë të veçantë kjo do të thotë se 78 për qind e emigrantëve në Gjermani kanë një punë sipas MIPEX. Vetëm në Zvicër, Islandë, Norvegji dhe Suedi norma e papunësisë në mesin e emigrantëve është më e ulët.

Mbi mesataren Gjermania me 72 pikë është edhe për mundësitë e natyralizimit (mesatarja e 38 vendeve është 48 pikë). Këtu aplikohet parimi se kushdo që është i lindur në Gjermani, nën kushte të caktuara gjithashtu merr një pasaportë gjermane. Megjithatë, Gjermania ishte vendi i fundit kur bëhet fjalë për shtetësinë e dyfishtë që përgjithësisht është e ndaluar. Në Gjermani fëmijët e emigrantëve mund të mbajnë dy pasaporta vetëm nën kushte të caktuara.

Gjithashtu në fushën e arsimit Gjermania figuron me 47 pikë (mesatarja 40 pikë) më mirë se shumica e vendeve të tjera. Por cilësia këtu është më e ulët se në të gjitha shtetet e tjera. Ngase ende mbizotëron në Gjermani një hendek ndërmjet performancës së nxënësve me dhe pa prejardhje emigrante.
Në Gjermani, sipas MIPEX, aplikohen kritere më të rrepta për bashkim familjar se sa në vendet e tjera.