Shqipëria

Grabitje në Kamëz, vdes burri, plagoset gruaja

I ndodhur në gjendje të rëndë, 52 vjeçari Agim Buci nuk ia doli duke ndërruar jetë në spital, ndërsa bashkëshortja e tij është jashtë rrezikut për jetën

Tentativa për grabitje në mini-marketin e një çifti bashkëshortësh në Kamëz që rezultoi me një të vdekur dhe një të plagosur ka tronditur Tiranën.

Ngjarja ndodhi në orën 21:20 në rrugën “OSBE” ku dy autorët kanë shfrytëzuar faktin që vëmendja ishte tek super ndeshja Bayern Munich – Real Madrid për të ekzekutuar planin e tyre për të grabitur mini-marketin e bashkëshortëve Agim dhe Merita Buci, të cilët ndodheshin brenda në atë moment.

Dyshohet se dy grabitës me maska kanë hyrë në ambientet e marketit duke kërkuar paratë, por në rrethana ende të pasqaruara nga grupi hetimor, njëri prej tyre ka qëlluar fillimisht në drejtim të bashkëshortit, ku njëri prej plumbave ka kapur në këmbë edhe Meritën, mëson Albeu.com.

I ndodhur në gjendje të rëndë, 52 vjeçari Agim Buci nuk ia doli duke ndërruar jetë në spital, ndërsa bashkëshortja e tij është jashtë rrezikut për jetën, përcjell albinfo.ch.

Forca të shumta policie gjendën në vendin e ngjarjes për të zbardhjen e plotë të saj dhe identifikimin e autorëve.