Kosova
Guinea-Bissau demanton Serbinë, sjell letrën e njohjes në Prishtinë
Ministri i shtetit të Guinea-Bissau Fabien Sagna gjatë ditës së sotme ia ka dorëzuar presidentit Hashim Thaçi letrën e njohjes së Kosovës nga ky shtet
Shteti i Guinea-Bissaus ka demantuar ministrin serb për Punë të Jashtme, Ivica Daçiq, duke konfirmuar njohjen e Kosovës si shtet. Ministri i shtetit të Guinea-Bissau Fabien Sagna gjatë ditës së sotme ia ka dorëzuar presidentit Hashim Thaçi letrën e njohjes së Kosovës nga ky shtet, vetëm disa javë pasi Daçiq tha se Guinea ka tërhequr njohjen.
Presidenti i Republikës së Kosovës, Hashim Thaçi ka pritur sot në takim ministrin e Shtetit dhe shef i Shtatmadhorisë së presidentit të Guinea-Bissau Fabien Sagna dhe këshilltarin e presidentit, Paulino Cabral. Në këtë takim, ministri i shtetit të Guinea-Bissau Fabien Sagna ia dorëzoi presidentit Thaçi letrën e presidenti të Guinea-Bissau, José Mário Vaz, me të cilën rikonfirmohet njohja e Kosovës nga ky shtet.
Presidenti Thaçi ka falënderuar ata për prezencën e tyre, pikërisht në dhjetëvjetorin e pavarësisë së Kosovës, duke theksuar se kjo është dëshmia më e mirë se marrëdhëniet ndërmjet Kosovës dhe Guinea-Bissau janë më të forta sesa çdo përpjekje për t’i lënduar ato, thuhet në njoftimin për emdia lëshuar nga Zyra e Presidentit.
“Falënderoj presidentin Vaz, qeverinë tuaj për njohjen e pavarësisë së Kosovës. Kosova do të jetë gjithmonë një shtet mik i juaji dhe synojmë të thellojmë edhe më shumë bashkëpunimin”, ka thënë presidenti kosovar.
Nga ana tjetër, ministri i Shtetit dhe shef i Shtatmadhorisë të presidentit të Guinea-Bissau, Fabien Sagna në emër të presidentit Vaz, ka uruar presidentin dhe popullin e Kosovës për dhjetëvjetorin e pavarësisë.
Të tjera nga Kosova
E-Diaspora
-
Mërgimtari nga Suhareka vdes në një aksident tragjik në Itali Raportohet se Haris Shala është 25-vjeçari shqiptar që humbi jetën një ditë më parë në një...
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe
-
8 filma nga Kosova dhe Shqipëria do të prezantohen në Festivalin e Filmit “goEast” 2024
Jeta në Zvicër
-
Studim: Mirëqenia në Zvicër është rritur ndjeshëm në 30 vjetët e fundit “Rritja e prosperitetit dhe mirëqenies gjatë 30 vjetëve të fundit është dukshëm e nënvlerësuar”, thotë Luc...
-
Lojë shpërblyese: Fitoni bileta për të shikuar njërin nga 27 filmat në Kino Kosova
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër
-
I dënuari për vrasjen e dyfishtë në Bazel: Nuk e dija se armët ishin të vërteta!