Kultura
“Hamleti nga Ballkani” do të flasë edhe shqip
Shfaqja do të flasë në gjuhën gjermane, pastaj në dialektin zviceran të gjermanishtes, në gjuhën shqipe, atë serbe etj.
Projekti “Balkan Hamlet” i teatrit Szenart në Aarau kërkon aktorë meshkuj të moshës 18 deri 25 vjeçare për shfaqjen me këtë titull. Kandidatët duhet të kenë prindërit nga Ballkani. Kushte tjera janë: interesimi për aktrim, guximi për të dalë në skenë dhe koha e mjaftueshme për prova të rregullta skenike. Ata që zgjidhen, kanë mundësinë që projektin ta plotësojnë me rrëfimet e tyre dhe me mendimet e tyre.
Ky projekt me emrin e plotë “Balkan Hamletz – Një pjesë teatrore me të rinj nga Ballkani mbi temën Nderi” ka fituar çmimin stimulues prej 10 mijë frangash “Metron Kulturförderpreis 2011”.
Shfaqja do të jetë një bashkëpunim në mes të teatrit Tuchlaube, Shkollës së Lartë të Cyrihut për arte, departamenti për aktrim, Secondo plus, zyra për mediacion ndërkulturor dhe stimulim të kulturës Albamig në Lucern etj.
6 deri 12 të rinj, të gjithë me rrënjë nga Ballkani, gjatë gjashtë muajve të punës së tyre teatrore do të merren me temën e Hamletit, ose me konceptin “nderi”. Shfaqja do të flasë në gjuhën gjermane, pastaj në dialektin zviceran të gjermanishtes, në gjuhen shqipe, atë serbe, pastaj me muzikë rap, me monolog dhe dialog.
Premiera e shfaqjes është planifikuar për 13 nëntor 2012 në teatrin Tuchlaube.
Audicioni (Casting) për “Balkan Hamlet” mbahet të mërkurën më 4 prill dhe të enjten, më 26 prill, duke filluar në orën 19.00. adresa: Probetraum Schönenwerderstrasse 40, Aarau.
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Projekti kombëtar i testimit të tokës zhvillohet të shtunën dhe të dielën “Tokat janë thelbësore për jetën: ato sigurojnë prodhimin e ushqimit, filtrojnë ujin dhe strehojnë një...
-
Zvicra nuk do të ketë një ‘Indeks të Lumturisë Kombëtare Bruto’
-
Netflix në Zvicër, me kosto të lartë
-
Zvicër: Veçanërisht të moshuarit kanë votuar për pensionin e 13-të
-
Zvicër: Kostot e sistemit shëndetësor kanë arritur 91.5 miliardë franga