Kosova
Haradinaj: Marrëveshja për Demarkacionin do të rrezohet në Kuvend
Kryeministri i Kosovës, Ramush Haradinaj tha se Marrëveshja për Demarkacionin do të rrezohet në Parlament. Me këtë, sipas tij, i hapet rruga ose arbitrazhit ndërkombëtar ose negocimit të një marrëveshje të re me Malin e Zi
Pavarësisht reagimeve dhe presioneve që vijnë nga Uashingtoni dhe Brukseli, kryeministri i Kosovës, Ramush Haradinaj ka deklaruar se Marrëveshja e demarkacionit me Malin e Zi nuk do të kalojë në Parlamentin e Kosovës. Ai ka thënë votat nuk janë për ratifikimin e marrëveshjes së 2015, prandaj sipas tij, gjasat janë të mëdha që të shkohet në arbitrazh ndërkombëtar.
“Marrëveshja do të rrezohet në Parlament. Me këtë i hapet rruga ose arbitrazhit ndërkombëtar ose negocimit të një marrëveshje të re me Malin e Zi. Dëshira ime është që të merremi vesh me Malin e Zi për arbitrazh ndërkombëtar, e përmes kësaj tregojmë që është hapur një proces që do ta përmbyll këtë temë, gjë që do të na mundësojë liberalizimin e vizave” ka thënë Haradinaj për KlanK.
Ai ka folur edhe për vizitën e kongresmenit amerikan në Kosovë, Eliot Engel, me ç’rast ka thënë që fokusi i diskutimit në mes tyre ishte dialogu i Kosovës me Serbinë.
“Ka ardhur koha për përgjigje finale për dialogun, për njohje reciproke, të kalojmë në fazën finale e të njihet pavarësia e Kosovës. Diskutimi me Eliot Engel ishte një lloj vazhdimi i një bisede që ka të bëj me të ardhmen e përmbylljes së njohjes nga Serbia”, deklaroi Ramush Haradinaj.
Kryeministri ka folur rreth vizitës së tij në Bruksel dhe bisedat me shefen e diplomacisë evropiane, Federica Mogherini. Thotë se i ka dërguar mesazhin se Kosova nuk mund të vazhdojë në një gjendje të tillë. Haradinaj, ka treguar se në takimin e fundit që pati në Bruksel, ka insistuar që pjesë e dialogut në mes Kosovës e Serbisë, të jenë edhe Shtetet e Bashkuara të Amerikës.
Kjo sipas tij duhet të ndodhë pasi tash e një kohë të gjatë, dialogu i zhvilluar tash e disa vite, është proces i ngadalësuar dhe po ashtu ka disa raste që sipas Haradinajt, Serbisë po u mundësohen disa çështje të tjera.
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane