Sporti

Heroi Mavraj, ndihmon fëmijët jetimë

“Unë jam ndihmuar në jetë dhe tani mund t’i ndihmoj të tjerët. Të jesh të gjendje të japësh diçka më bën jashtëzakonisht të lumtur”, është shprehur Mavraj

Mbrojtësi i Hamburgut dhe Kombëtares shqiptare, Mërgim Mavraj ka treguar anën e tij humane edhe një herë, duke ndihmuar fëmijët jetimë etiopianë, shkruan “mopo.de”.

Mavraj njihet për anën e tij humane, dhe këtë e ka shfaqur disa herë në karrierën e tij, përcjell albinfo.ch.

31-vjeçari është angazhuar në programin e madh mysliman ‘Islamic Relief’, derisa ‘Ushqimi për Jetimët’ është emri i projektit që e mbështet Mavraj dhe ndihmon jetimët etiopianë.

“Unë jam ndihmuar në jetë dhe tani mund t’i ndihmoj të tjerët. Të jesh të gjendje të japësh diçka më bën jashtëzakonisht të lumtur”, është shprehur Mavraj.

Ai ka mbështetur edhe projekte të tjera humanitare. Në muajin maj vizitoi familjet që kanë nevojë në Shqipëri, duke u ndihmuar. Përveç kësaj, ai është anëtar i një organizate humanitare, që ofron kujdes mjekësor për familjet dhe i ndihmon fëmijët për një arsimim të duhur, përcjell albinfo.ch.

Mavraj gjithashtu u ndihmon edhe fëmijëve në Kosovë, Afrikë dhe Meksikë. “Ambicia ime nuk është vetëm për sportin, por edhe për jetën time private dhe angazhimin tim shoqëror”, thotë Mavraj.