Kultura

“Home Sweet Home”, filmi më i mirë në javën e filmit shqiptar në Nju Jork

Çmimi kryesor i ka takuar filmit të metrazhit të gjatë “Home Sweet Home” me regji të Faton Bajraktarit. Donat Qosja është zgjedhur aktori më i mirë, kurse Arta Muqaj, aktorja më e mirë. Të dy luajnë në filmin “Home Sweet Home”

Ka përfunduar java e filmit shqiptar në Nju Jork të Shteteve të Bashkuara të Amerikës, ku edhe janë ndarë çmimet kryesore, raporton albinfo.ch.

 

Çmimi kryesor i ka takuar filmit të metrazhit të gjatë “Home Sweet Home” me regji të Faton Bajraktarit. Donat Qosja është zgjedhur aktori më i mirë, kurse Arta Muqaj, aktorja më e mirë. Të dy luajnë në filmin “Home Sweet Home”, kanë njoftuar organizatorët.

 

Çmimi për “Filmi më i mirë i shkurtër” shkoi për filmin “Toka”, të Ibër Dearit dhe po ashtu ky regjisor u zgjedh edhe “Regjisori më i mirë” për filmat e tij “Long Way Home” dhe “Toka”.

 

“Dokumentari më i mirë” është zgjedhur “Beyond the Gates” nga Besim Ugzmajli.

 

Aktori Isli Hoxha dhe producentja Enkelejda Vasilis Mezini u shpërblyen me certifikata nga ky festival i cili sivjet mbajti edicionin e tij të gjashtë.

 

Çmimi special ‘Post-Mortum’ u dedikua për Hadi Shehun, Bujar Lakon dhe Sefedin Nuredinin, aktorë këta që i dhanë shumë teatrit dhe kinematografisë në Kosovë, Shqipëri, Maqedoni e në mbarë trojet shqipfolëse.

KUJDES ! TEKSTI YNË I KOPJUAR DO TË DENONCOHET DHE RAPORTOHET. PËRPOS NËSE...

Ju keni të drejtë ta riprodhoni tekstin tonë, por me kusht që ta citoni burimin e albinfo.ch dhe kur ta publikoni shkrimin, ta integroni linkun e artikullit siç vijon: http://www.albinfo.ch/home-sweet-home-filmi-me-i-mire-ne-javen-e-filmit-shqiptar-ne-nju-jork/

Në të kundërtën, ne do të raportojmë pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin. Redaksia e albinfo.ch.