Sporti

Me humbjen e saj, Shqipëria “e çon” Spanjën në Botëror

Spanja ka grumbulluar 25 pikë, pesë më shumë se Italia që është e dyta. Shqipëria ka 13 pikë

Spanja është kualifikuar për në Botërorin “Rusia 2018” pasi ka mposhtur Shqipërinë 3 me 0 në xhiron e parafundit të Grupit G kualifikues.

Të tre golat u realizuan në pjesën e parë të lojës.

Rodrigo, Isco dhe Thiago Alcantara realizuan në portën e Etrit Berishës.

Teksa ka mbetur vetëm edhe një ndeshje në këtë grup, Spanja ka grumbulluar 25 pikë, pesë më shumë se Italia që është e dyta. Shqipëria ka 13 pikë. Spanja kualifikohet zyrtarisht në Botëror, ndërsa Italia vazhdon në fazën e radhës kualifikuese.