Tematike
Infermieret mund të punojnë me shami në kokë nëpër spitalet e Aargaut
Një sondazh nëpër spitalet e Aargaut ka treguar: Në infermieri, mbajtja e shamive të kokës tolerohet. Megjithatë, është e rëndësishme që standardet e higjienës të plotësohen, thuhet nëpër spitale.
“Në ashensorin e spitalit në Rheinfelden kanë qenë dy gra shumë të reja me pallto të bardha – njëra prej tyre e mbuluar me shami”, i ka shkruar në e-mail të përditshmes zvicerane “Aargauer Zeitung”, një lexuese e nevrikosur. Ajo ishte e mendimit se “mbajtja e shamive në vendin e punës, në shërbimin publik është e ndaluar”, vazhdon lexuesja. Ajo bile i ka shkruar edhe Qendrës shëndetësore në Fricktal (GZF), në kuadër të së cilës punojnë edhe spitalet në Rheinfelden dhe Laufenburg. Në mesazh, ankuesja ka shkruar “se gratë kanë luftuar për vite të tëra për barazi gjonore dhe janë çliruar ngazgjedha e kishave”.
Zëdhënësja e qendrës Miriam Crespo, ka konfirmuar se në këtë qendër punojnë “dy punëtore zvicerane të besimit mysliman”, të veshura me shami. Crespo thotë: “Mbajtja e shamisë gjithmonë lejohet. E vetmja gjë e rëndësishme për punëtorët me kontakt të drejtpërdrejtë të pacientëve është që të pajtohet me të gjitha rregulloret e zbatueshme të higjienës dhe të paraqitjes”.
GZF është një punëdhënës i hapur dhe i ndershëm “i cili vlerëson diversitetin e punëtorëve të saj”. Ndër të tjera, rregulloret e punësimit dhe Kodi i Mirësjelljes kanë cekur se askush nuk duhet të diskriminohet në bazë të ngjyrës së lëkurës, origjinës ose fesë së tij. “Përkrahja e këtyre parimeve, për të gjithë punëtorët tanë është e detyrueshme”, vazhdoin më tej Crespo, përcjell Albinfo.ch.
Punëtore me shami në kokë gjithashtu punojnë nëpër spitale të tjera të Aargaut. “Në raste të jashtëzakonshme të justifikuara, kjo mund të lejohet,” thotë Stefan Wey, zëvendës shef i marketingut dhe komunikimit në spitalin kantonal të Badenit (KSB). Miratimi jepet “vetëm në raste individuale” nëse vlerësohet se punëtorja e plotëson pozitën, tha Wey. Kërkesat do të trajtohen me vend dhe sipas udhëzimit, pra nuk do të tolerohet asnjë diskriminim në KSB. “Sidoqoftë, standardet përkatëse të higjienës duhet të garantohen në çdo kohë dhe në mënyrë të plotë. Përveç kësaj, fytyra duhet të jetë e zbuluar”, thotë Wey. Aktualisht, Në Baden janë dy infermiere që mbajnë shami.
Edhe në spitalin kantonal të Aaraut (KSA) ka ndodhur që punëtoret të punojnë me shami, thotë zëdhënësja Isabelle Wenzinger. Po ashtu, në ASK ka gjithashtu punëtorë që mbajnë kipa hebraite. Numri i saktë nuk është regjistruar, shkruan Aargauer Zeitung”, përcjell Albinfo.ch. Wenzinger vazhdon: “Nuk ka asgjë për të kundërshtuar mbajtjen e shamisë. Punëtorët duhet të jenë në përputhje me rregullat për uniforma dhe higjienë, që pa probleme mund të shoqërohet me mbajtejn e shamisë”. Sipas Wey dhe Wenzinger nuk ka ndonjë ankesë as në Aarau e as në Baden.
Aktualisht, nuk ka punëtore femra me shami në kokë në spitalet e Menzikenit dhe Leuggernit që i takojnë grupit Asana. Por, nuk ekziston rregullore për ndalimin e shamisë, thotë Yvonne Neff, zëvendësdrejtoreshë në Leuggern. Atje, më shumë se 400 punëtorë dhe mjekë të përkatësisë së ndryshme kombëtare dhe fetare janë të angazhuar për mirëqenien e pacientëve. “Nuk është e rëndësishme, me ose pa shami”.
E-Diaspora
-
Shkolla shqipe në SHBA, me qindra nxënës shqiptarë Shkolla Shqipe e fundjavës themeluar në janar 2009 nga një grup mësuesësh e vullnetarësh, pranë qendrës...
-
Mbahet takimi i Kolegjit të kirurgëve të Kësovës me kirurgët nga mërgata
-
Irlandë: Ekspozitë nga artisti shqiptar, Azem Koleci
-
Simpoziumi i mantelbardhëve shqiptarë në Zvicër emocionon profesorët nga Kosova e Shqipëria
-
Hana nga Zvicra, Perla që u zbukuron gëzimet tuaja
Jeta në Zvicër
-
Simpoziumi i mantelbardhëve shqiptarë në Zvicër emocionon profesorët nga Kosova e Shqipëria “Sfida dhe suksesi në karrierë” ishte tema e simpoziumit të Lidhja e Mjekëve Shqiptarë të Zvicrës...
-
Hana nga Zvicra, Perla që u zbukuron gëzimet tuaja
-
Pensioni i 13-të i AHV-së do të financohet nga kontributet e punonjësve ose nga një rritje e TVSH-së
-
Qendra prezanton dy iniciativa për taksim më të mirë për të martuarit
-
Swissmedic ngre alarmin kundër ilaçeve të paligjshme për humbje peshe