Bota
Italia kundërshton misionin e BE-së për refugjatët
Italia shpehet kundër vazhdimit të misionit humanitar të marinës së Bashkimit Evropian, „Sophia", të vënë në funksion gjatë krizës së refugjatëve pranë brigjeve libiane
Në debatin për migrimin, Italia po merr kurs kundër BE-së. Ajo po i vë pikëpyetje edhe misionit humanitar ushtarak të BE-së para Libisë. Shtrohet pyetja, nëse do të shpëtohen në të ardhmen njerëz nga anijet evropiane?
Zëdhënësja e Federica Mogherinit, të ngarkuarës së BE-së për politikën e Jashtme, u shpreh se po kërkohet një zgjidhje brenda verifikimit të planifikuar të këtij misioni. Pritet një zgjidhje brenda pesë javësh.
Anijet e BE-së kanë shpëtuar 49.000 vetë
Italia e sheh si problematike tanimë edhe ndihmën e një anijeje të marinës gjermane, pjesë e misionit të BE-së. Qeveria e Romës në vitin 2015 ra dakord që të pranojë në kuadër të misionit të BE-së në portet italiane migrantët e shpëtuar në Mesdhe. Atëherë nuk mendohej se misioni i planifikuar si luftë kundër kriminalitetit të trafikantëve do të shpëtonte kaq shumë vetë në Mesdhe. Deri tani janë shpëtuar nga këto anije më shumë se 49.000 vetë.
Nuk dihet nëse do të gjendet shpejt një zgjidhje në këtë debat. Kryeministri italian, Giuseppe Conte, i dërgoi një letër presidentit të Komisionit Europian, Jean-Claude Juncker, ku këron revizionin e misionit „Sophia”. Ndërsa ministri i Brendshëm, Matteo Salvini, kreu i Lega Nord, kërkoi në fillim të korrikut që të mos lejohet më automatikisht ankorimi i anijeve të misionit të BE-së në portet italiane.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?