Sport
Jeta e vështirë e Valon Behramit
“Para 13 viteve kush do ta kishte menduar këtë. Jam shumë i lumtur për karrierën e Valon dhe personalitetin e tij. Ai e ka bërë këtë vetëm me mund dhe sakrificë të madhe”, përfundoi Ragip Behrami
Valon Behrami shkëlqeu kundër Brazilit dhe Neymarit, por jeta e tij nuk ka qenë aspak e lehtë.
Kështu ka rrëfyer babai i tij, Ragipi, në një intervistë për ‘Blick’, përcjell albinfo.ch.
“Ne kishim shumë fotografi, por ato u dogjën. Bombat kishin rënë në shtëpinë tonë”, ka thënë Ragipi. Familja Behrami u largua nga Kosova, kur Valoni ishte vetëm 4-vjeçar. Ata u strehuan në komunitetin jugor Ticino Stabio. “Kam marrë para nga komuniteti për tre muaj. Por, kjo ishte një turp për mua. Doja të punoja”. Në Mitrovicë, babai i Valonit punonte si menaxher shitjesh në një fabrikë plastike para luftës, ndërsa gruaja e tij punonte si sekretare në të njëjtën kompani.
“Valoni ishte një nxënës i mirë. Ai nuk rinte një minutë ulur. Gjithmonë donte të shkonte lart e poshtë. Por ishte një student i mirë dhe inteligjent. Në vitin 1998 duhet të largoheshim nga Zvicra”, ka shtuar tutje Ragipi.
Por, në vitin 2000 ata duhej të ktheheshin në Kosovë, sepse lufta kishte përfunduar. “Unë u përpoqa të mos e lija Valonin. Nuk mundeshim të ktheheshim në Kosovë. Ishim duke menduar për të lëvizur në Gjermani ose Suedi. Papritur na ndihmoi , Aleks Pedraxini nga Këshilli i Shtetit në Ticino, pasi djali i tij luante me Valonin tek moshat. Pas shumë peripecive u lejuam të qëndronim”, tregon babai i Behramit.
Më tutje Ragipi ka shtuar se Valoni ishte shumë profesionist dhe ka punuar shumë, e nuk ka pasur kohë për të dal natën.
Më pas Behrami kishte një karrierë të ndritur duke luajtur në Verona, West Ham United, Lazio, Hamburg, Watford dhe Udinese.
Gjithashtu u grumbullua me Zvicrën dhe ka 80 ndeshje ndërkombëtare. Ai është futbollisti i vetëm te Zvicra që ka luajtur në katër Kampionate Botërore. “Para 13 viteve kush do ta kishte menduar këtë. Jam shumë i lumtur për karrierën e Valon dhe personalitetin e tij. Ai e ka bërë këtë vetëm me mund dhe sakrificë të madhe”, përfundoi Ragip Behrami.
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Projekti kombëtar i testimit të tokës zhvillohet të shtunën dhe të dielën “Tokat janë thelbësore për jetën: ato sigurojnë prodhimin e ushqimit, filtrojnë ujin dhe strehojnë një...
-
Zvicra nuk do të ketë një ‘Indeks të Lumturisë Kombëtare Bruto’
-
Netflix në Zvicër, me kosto të lartë
-
Zvicër: Veçanërisht të moshuarit kanë votuar për pensionin e 13-të
-
Zvicër: Kostot e sistemit shëndetësor kanë arritur 91.5 miliardë franga